قازان ايىنىڭ 12-13 كۇندەرى الماتى وبلىسى جامبىل اۋدانىنىڭ ورتالىعى ۇزىناعاش اۋىلىندا قازاقستان رەسپۋبليكاسى ۇلتتىق ۇلانىنىڭ 25 جىلدىق مەرەكەسىنە ورايلاستىرىلىپ رەگبيدەن رەسپۋبليكالىق جارىس ءوتتى.

جارىسقا 6 كوماندا جانە بارلىعى جۇزگە جۋىق سپورتشى قاتىستى. ولار – ۇلتتىق ۇلاننىڭ الماتى قالاسىنداعى «وڭتۇستىك»، ورالداعى «باتىس»، قاراعاندىداعى «ورتالىق»، وسكەمەندەگى «شىعىس» وڭىرلىك قولباسشىلىقتارىنىڭ، پەتروپاۆلداعى اسكەري ينستيتۋتىنىڭ جانە استاناداعى 5573 اسكەري ءبولىمىنىڭ قۇراما كوماندالارى قاتىستى.

رەگبي ويىنى جايلى قىسقا توقتالا ەتسەك، 2015 جىلدان بەرى «رەگبي» ويىنى وليمپيادا ويىندارىنىڭ قۇرامىنا كىرىپ، كۇللى الەمدە ۇلكەن بەدەلگە يە بولىپ تۇر.

"2015 جىلى ۇلتتىق ۇلان باس قولباسشىسى گەنەرال-لەيتەنانت رۋسلان فاتيحۇلى جاقسىلىقوۆتىڭ بۇيرىعىمەن رەگبي ۇلتتىق ۇلاندا قولدانبالى سپورت ءتۇرىنىڭ قاتارىنا ەندى. وتكەن جىلى تۇڭعىش رەت رەگبيدەن ۇلتتىق ۇلاننىڭ بىرىنشىلىگى بولىپ ءوتتى", - دەپ اتاپ ءوتتى  ۇلتتىق ۇلان باس قولباسشىسىنىڭ تاربيە جانە الەۋمەتتىك-قۇقىقتىق جۇمىستار جونىندەگى ورىنباسارى گەنەرال-مايور مۇحامەتقالي ساتوۆ.

جارىستىڭ قورىتىندىسى بويىنشا «وڭتۇستىك» وڭىرلىك قولباسشىلىعى كومانداسى باس جۇلدەنى يەلەنىپ، ۇلتتىق ۇلان باس قولباسشىنىنىڭ جەڭىمپاز كۋبوگىن يەلەندى. ال ەكىنشى ورىن «باتىس» وڭىرلىك قولباسشىلىعىنا بۇيىرسا، قولا جۇلدەنى ەلوردالىق 5573 اسكەري ءبولىمىنىڭ رەگبي كومانداسى يەلەندى.

“The Qazaq Times”