Foto: Oxu.az.

Qazaqstan Qırğızstan prezident saylauına baqılauşı jiberuden bas tarttı.

QR Ortalıq saylau komissiyası törağasınıñ orınbasarı Konstantin Petrov osı jağdayğa baylanıstı ötken döñgelek üstelde: «Qazaqstan Respublikasınıñ Ortalıq saylau komissiyası 2017 jılı qazan ayınıñ 15-si küni Qırğızstan Respublikasında ötetin prezident saylauına baqılauşı  jiberuden bas tartadı» - dep mälimdegen. Bwdan bölek ol öz sözinde Sırtqı ister ministrliginen QR Ortalıq saylau komissiyası qabıldağan şeşimdi Qırğızstan Saylau jäne referendum ortalıq komissiyasına jetkizudi swrağan.

Esteriñizge salayıq, soñğı uaqıttarda qazaq-qırğız qarım-qatınası Almazbek Atambaevtıñ Qazaqstan biligine qarata aytqan mälimdemesi men Nwrswltan Nazarbaevtıñ qırğız prezidenttigine ümitker Ömirbek Babanovpen kezdesuinen keyin şielenisken. Resmi Astana Atambaevtıñ sözinen keyin Qırğızstanmen aradağı şekaranı küşeytilgen rejimge köşirip, "qırğız prezidentiniñ sözderi şındıqqa janaspaytının jäne arandatuşılıq mağanada aytılğanan" mälimdegen. Bwnıñ aldanda Qırğızstan Sırtqı ister ministrligi Nazarbaevtıñ Babanovpen kezdesuin eldiñ işki sayasatına aralasu dep bağalap, Qazaqstanğa qarsılıq notasın jibergen edi.

“The Qazaq Times”