فوتو: Oxu.az.

قازاقستان قىرعىزستان پرەزيدەنت سايلاۋىنا باقىلاۋشى جىبەرۋدەن باس تارتتى.

قر ورتالىق سايلاۋ كوميسسياسى توراعاسىنىڭ ورىنباسارى كونستانتين پەتروۆ وسى جاعدايعا بايلانىستى وتكەن دوڭگەلەك ۇستەلدە: «قازاقستان رەسپۋبليكاسىنىڭ ورتالىق سايلاۋ كوميسسياسى 2017 جىلى قازان ايىنىڭ 15-ءسى كۇنى قىرعىزستان رەسپۋبليكاسىندا وتەتىن پرەزيدەنت سايلاۋىنا باقىلاۋشى  جىبەرۋدەن باس تارتادى» - دەپ مالىمدەگەن. بۇدان بولەك ول ءوز سوزىندە سىرتقى ىستەر مينيسترلىگىنەن قر ورتالىق سايلاۋ كوميسسياسى قابىلداعان شەشىمدى قىرعىزستان سايلاۋ جانە رەفەرەندۋم ورتالىق كوميسسياسىنا جەتكىزۋدى سۇراعان.

ەستەرىڭىزگە سالايىق، سوڭعى ۋاقىتتاردا قازاق-قىرعىز قارىم-قاتىناسى المازبەك اتامباەۆتىڭ قازاقستان بيلىگىنە قاراتا ايتقان مالىمدەمەسى مەن نۇرسۇلتان نازارباەۆتىڭ قىرعىز پرەزيدەنتتىگىنە ۇمىتكەر ومىربەك بابانوۆپەن كەزدەسۋىنەن كەيىن شيەلەنىسكەن. رەسمي استانا اتامباەۆتىڭ سوزىنەن كەيىن قىرعىزستانمەن اراداعى شەكارانى كۇشەيتىلگەن رەجيمگە كوشىرىپ، "قىرعىز پرەزيدەنتىنىڭ سوزدەرى شىندىققا جاناسپايتىنىن جانە ارانداتۋشىلىق ماعانادا ايتىلعانان" مالىمدەگەن. بۇنىڭ الداندا قىرعىزستان سىرتقى ىستەر مينيسترلىگى نازارباەۆتىڭ بابانوۆپەن كەزدەسۋىن ەلدىڭ ىشكى ساياساتىنا ارالاسۋ دەپ باعالاپ، قازاقستانعا قارسىلىق نوتاسىن جىبەرگەن ەدى.

“The Qazaq Times”