Foto: Bykvu.com

Saud Arabiyası koroliniñ sarayına şabuıl jasaldı – dep habarlaydı Reuters aqparat agenttigi.

Agenttiktiñ mälimetinşe, Djidda qalasında ornalasqan Saud Arabiyasınıñ koroli Salman ibn Abdul-Aziz äl-Saud sarayına «Kalaşnikov» avtomatımen qarulanğan adam şabuıl jasağan. Saldarınan eki küzetşi köz jwmıp, üşeui jaraqat alğan. Korol' sarayına oq jaudırğan 28 jastağı Mansur bin Hassan äl-Ameridiñ özi de oqiğa orınında oqqa wşqan.

Jergilikti qwqıq qorğau organdarınıñ mälimetinşe, bwğan deyin äl-Ameri eşqanday ekstremistik wyımdardıñ qatarında bolmağan. Biraq onıñ mwnday qadamğa ne üşin barğanı äzirge belgisiz. Tekseru barısında onıñ denesinen qoldan jasalğan eki jarılğış zat pen Kalaşnikov avtomatınıñ oq därileri tabılğan.

Esteriñizge salayıq, Saud Arabiyası koroli bwğan deyin qazan ayınıñ 5-7 künderi aralığında twñğış ret Reseyge is-saparmen barğan. Ol onda Resey prezidenti Vladimir Putinmen kezdesken. Osıdan keyin BAQ betterinde Saud Arabiyası Reseyden S-400 äue qorğanısı jüyesin satıp aluı mümkin degen aqparat tarağan bolatın.

“The Qazaq Times”