QR Parlamenti Mäjilisi deputatı A.M.Jamalov. Foto: Yvision

OSK deputat Amanjan Jamalovtı tekseredi, - dep habarlaydı Tengrinews.kz saytı

"2017 jıldıñ 18 qañtarında QR Ortalıq saylau komissiyasında biıl 17 qañtarda 365info.kz internet-portalında jariyalanğan "Tabıstı" deputat Jamalov Qazaqstan parlamentinen qaldırıluı mümkin" attı maqalasındağı derek boyınşa otırıs ötti", - delingen habarlamada.

QR OSK müşesi M.A.Särsembaevtıñ habarlaması tıñdalğanı jäne QR Parlamenti Mäjilisi deputatı A.M.Jamalovtıñ tüsinigi tıñdalğanı habarlanğanı belgili boldı.

QR Konstituciyasınıñ 52-babınıñ 6-tarmağına säykes, QR OSK müşeleri M.A.Särsembaevaqa jäne L.J.Süleymenovke tekseris jürgizu jäne biıl 24 qañtarda qorıtındı jayında bayandau tapsırıldı. QR OSK-niñ osı mäsele boyınşa qaulısı qabıldanğan.

"OSK – olar,  barlığın tekseredi, sosın resmi jauap beredi", - dedi tilşilerge Jamalov Parlamenttiñ jalpı otırısı ayaqtalğannan keyin.

Al öz biznesi turalı: "Iesi boluğa tıyım salınğan ba? Zañ boyınşa men öz ieligimdegi senimgerlik basqarumen, barlıq jıljımaytın mülikterimdi ötkizuim kerek, men mwnı zañ boyınşa orındadım. Mwnı rastaytın qwjattar bügin OSK-ğa berdim", - dedi.

Esteriñizge sala ketsek, deputat HQKO-da kezekte twrıp qaytıs bolğan adam jaylı "C takim je uspehom on mog umeret' i doma" dep pikir bildirgeni üşin bası dauğa qalğan edi. Sosın ol öz pikirin tüsindirip, artınşa keşirim swrağan bolatın.

"The Qazaq Times"