Keşegi kün bauılas qırğız eli üşin asa mañızdı sayasi häm tarihi kün boldı. Qırğızstandıqtan eldiñ Joğarğı keñesine (qırğızşa – Jogorku keñeş) sayasi partiyalardı saylau üşin dauıs berdi. Dauıs beru uaqıtı 28 qaraşanıñ keşi, sağat 20:00-de ayaqtaldı. Nätijesi bügin belgili boladı dep kütilude. Avtomattı dauıs sanau jüyesine qatıstı dauğa baylanıstı saylau komissiyaları dauıstı qolmen sanauda.

Qırğız jwrtındağı saylau ıñ-şıñsız ötken joq. Ortalıq saylau komissiyasınıñ (OSK / qırğızşa – Borborduk Şayloo Komissiyası/BŞK) avtomattı esepteu jüyesi bir mezet öşip qaldı jäne qayta qosılğan kezde keybir partiyalardıñ dauısı kemitildi. Bwğan qatıstı narazılıq küşeydi.

OSK keşki sağat 20:30 şamasında berilgen dauıstardıñ 77,3 payzı sanalıp bolğanın mälimdedi. Ol boyınşa ondağı nätijeler mınaday-tın:

«Senim» (Işenim) – 25,35 %

«Intımaq» (Intımak) – 20,58%

«Alyans» – 15,68%

«Bütin Qırğızstan» (Bütün Kırgızstan) – 11,87%

«Iman Nwrı» (Iyman Nurü) – 10,58%

«El Ümiti» (El Ümütü) – 8,4%

«Ata-Meken» – 6 %

Ö.Tekebaev jetekşilik etken «Atameken» partiyası, A.Madumarov  jetekşilik etetin «Bütin Qırğızstan» qatarlı dauısı kemitilgen bes partiya kezekti saylau nätijesin de moyındamaytının mälimdedi.

Qırğızstan JK saylauı birqatar şeteldegi qırğızstandıq saylauşılarğa da dauıs beru mümkindigin berdi.  Soğan qaramastan kezekti saylauda saylauşılardıñ belsendiligi bwrınğı saylaularmen salıstırğanda  öte tömen. OSK mälimetine dauıs bergender jalpı saylauşılardıñ 30 payızın wstağan. Bwnıñ negizgi sebebi retinde dauıs beruden «forma 2»-men dauıs berudiñ alınıp tastaluı dep tüsindiredi OSK. Ekinşi sebebi qatarında migraciyanıñ joğarı deñgeyin körsetip otır.

Qırğız prezidenti Sadır Japarov dauıs beru uaqıtı ayaqtalğannan keyin mälimdeme jasap: «Taza jäne ädiletti saylau ötkize alatınımızdı däleldediñ», – dedi. Onıñ aytuınşa bwl eldiñ sayasi jetistigi qatarında bağalanuı kerek, bwdan bwrınğı revolyuciyalardıñ bäri derlik biliktiñ saylaulardı ädil ötkize almauınan dep körsetken.

S.Japarov dauıstardı avtomattı sanau jüyesiniñ mäselesine baylanıstı öziniñ Facebook jelisinde mälimdeme jasap: «Eger şınında da OSK jalğandıq jasağan bolsa, OSK-nıñ barlıq müşeleri jauapqa tartıladı. Bastarımen jauap beretin boladı. Bilik tarabınan saylau isine aralaspağanınday, Ortalıq Saylau komissiyasınıñ isine de eşkim kilikken joq», – degen.

Dauıs berip bolğannan keyin prezident Sadır Japarov Türkimenstandağı sammitke qatısu üşin wşıp ketti.

The Qazaq Times