ورتالىق سايلاۋ كوميسسياسى دەپۋتات امانجان جامالوۆتى تەكسەرەدى

وسك دەپۋتات امانجان جامالوۆتى تەكسەرەدى، - دەپ حابارلايدى Tengrinews.kz سايتى

"2017 جىلدىڭ 18 قاڭتارىندا قر ورتالىق سايلاۋ كوميسسياسىندا بيىل 17 قاڭتاردا 365info.kz ينتەرنەت-پورتالىندا جاريالانعان "تابىستى" دەپۋتات جامالوۆ قازاقستان پارلامەنتىنەن قالدىرىلۋى مۇمكىن" اتتى ماقالاسىنداعى دەرەك بويىنشا وتىرىس ءوتتى", - دەلىنگەن حابارلامادا.

قر وسك مۇشەسى م.ا.سارسەمباەۆتىڭ حابارلاماسى تىڭدالعانى جانە قر پارلامەنتى ءماجىلىسى دەپۋتاتى ا.م.جامالوۆتىڭ تۇسىنىگى تىڭدالعانى حابارلانعانى بەلگىلى بولدى.

قر كونستيتۋتسياسىنىڭ 52-بابىنىڭ 6-تارماعىنا سايكەس، قر وسك مۇشەلەرى م.ا.سارسەمباەۆاقا جانە ل.ج.سۇلەيمەنوۆكە تەكسەرىس جۇرگىزۋ جانە بيىل 24 قاڭتاردا قورىتىندى جايىندا بايانداۋ تاپسىرىلدى. قر وسك-ءنىڭ وسى ماسەلە بويىنشا قاۋلىسى قابىلدانعان.

"وسك – ولار،  بارلىعىن تەكسەرەدى، سوسىن رەسمي جاۋاپ بەرەدى", - دەدى تىلشىلەرگە جامالوۆ پارلامەنتتىڭ جالپى وتىرىسى اياقتالعاننان كەيىن.

ال ءوز بيزنەسى تۋرالى: "يەسى بولۋعا تىيىم سالىنعان با؟ زاڭ بويىنشا مەن ءوز يەلىگىمدەگى سەنىمگەرلىك باسقارۋمەن، بارلىق جىلجىمايتىن مۇلىكتەرىمدى وتكىزۋىم كەرەك، مەن مۇنى زاڭ بويىنشا ورىندادىم. مۇنى راستايتىن قۇجاتتار بۇگىن وسك-عا بەردىم", - دەدى.

ەستەرىڭىزگە سالا كەتسەك، دەپۋتات حقكو-دا كەزەكتە تۇرىپ قايتىس بولعان ادام جايلى "C تاكيم جە ۋسپەحوم ون موگ ۋمەرەت ي دوما" دەپ پىكىر بىلدىرگەنى ءۇشىن باسى داۋعا قالعان ەدى. سوسىن ول ءوز پىكىرىن ءتۇسىندىرىپ، ارتىنشا كەشىرىم سۇراعان بولاتىن.

"The Qazaq Times"