Foto: Oxu.az.

Kataloniya jaqın künderi öz täuelsizdigin jariyalaydı – dep mälimdedi avtonomiya basşısı Karles Puçdemon VVS telearnasına bergen swhbatında.

Qazan ayınıñ 1-i küni ötken referendumnan keyin alğaş ret swhbat bergen Kataloniya basşısı Karles Puçdemon: «El biligi osı aptanıñ soñında nemese kelesi aptanıñ basında Ispaniyadan bölinip şığuğa baylanıstı tiisti qarar qabıldaytın boladı. Qazirgi tañda Kataloniya men resmi Madrid arasında qarım-qatınas tolıqtay üzilgen» - dep mälimdegen.

Puçdemon VVS jurnalisiniñ: «Egerde Ispaniya Kataloniya biligin öz qolına küşpen alatın bolsa, siz ne isteysiz?» - degen swrağına: «Bwl olardıñ ülken qateligi boladı. Eger resmi Madrid osınday qadamdarğa baratın bolsa, onda bwl qadam barlığın bwzadı» - dep jauap bergen.

Bwğan deyin Ispaniya koroli Filipe VI Kataloniya biligin qatañ sınğa alıp: «Olar el konstituciyasın bwzu arqılı zañ jäne demokratiya şeñberinen şıqtı. Olar Ispaniya twtastığına nwqsan keltiru arqılı onıñ täuelsizdigine qauip töndirdi» - dep mälimdegen bolatın.

Esteriñizge salayıq, Kataloniyada täuelsizdik aluğa baylanıstı referendum qazan ayınıñ 1-i küni ötken bolatın. Oğan el halqınıñ 42 payızı qatısıp, onıñ 90 payızı derbes el boludı qoldap dauıs bergen. Referendum küni Ispaniya biligi Kataloniyağa wlttıq gvardiya men arnayı jasaq sarbazdarın kirgizgen. Alañğa şıqqan halıq pen policiya arasındağı qaqtığıs saldarınan 893 beybit twrğın men 33 policiya qızmetkeri jaraqat alğan bolatın.

“The Qazaq Times”