Ispaniyanıñ ekonomikalıq mañızı joğarı, 7,5 mln halıq twratın Kataloniya aymağınıñ jeke täuelsiz memleket boluğa wmtılısı jeksenbi küni ötken halıqtıñ referendumnan körinis taptı.  Bwl turalı VVS jäne APF aqparattıq agenttikteri jazdı. 

Ispaniya biliginiñ pikirinşe, el Konstituciyasına qayşı äreket sanalatın referendumğa böget bolu üşin policiya qızmetkerleri dauıs beruge kelgen halıqqa qarsı küş qoldanğanı turalı beynejazbalar taradı. Kataloniyanıñ resmi derekterine süyensek, halıq pen policiyanıñ qaqtığısınan 844 adamğa medicinalıq kömek qajet bolıp, onıñ 92-si jaralanğanı belgili boldı. Ortalıq bilik 33 policiya qızmetkeriniñ densaulığına zaqım kelgenin aytadı.

Sizderdiñ nazarlarıñızğa beybit is-şaradan policiyanıñ halıqqa küş körsetuine wlasqan referendumnan tüsirilgen "Meduza" internet basılımınıñ beynejazbaların wsınıp otırmız.

“The Qazaq Times”