Foto: vestnikkavkaza.ru

BWW-nıñ Süriya mäselesi boyınşa arnayı ökili Stefan de Mistura aldağı aptada Jenevada Süriya kelissözderiniñ kelesi raundın ötkizudi wsındı. Süriya mäselesi boyınşa talqılaulardıñ 8 raundı qazan ayınıñ soñı qaraşa ayınıñ basında ötedi dep josparlanıp otır. Bwl turalı APF aqparattıq agenttigi jazdı. 

Stefan de Mistura öz bastamasın bılay tüsindirdi: "Men qos taraptı da (Ükimet pen Oppoziciya mağınasında) Süriya halqı aldındağı özderine artılğan jauapkerşilikti sezinip, Jenevadağı kelissözderge qatısuğa şaqıramın".

BWW-nıñ Süriya mäselesi boyınşa arnayı ökili altı jıldan astam uaqıtqa sozılğan soğıstıñ soñğı nüktesin qoyu üşin Jenevada osığan deyin ötkizgen  7 raundtan twratın basqosuları sätsiz ayaqtalğan bolatın. Süriyadağı Oppoziciya men Batıs elderi Başar äl Asadtıñ bilikten ketkenin qalaydı. Degenmen memleket basşısı atalğan swranıstı orındaudan bas tartıp otır.

Astanada ötken Süriya mäselesi boyınşa kelissözder deskalaciyalıq zonalardıñ qwrıluına ıqpal etip, tınıştıq ornatu jolında birqatar ilgerileuşilikke alıp keldi. Osınday pikirdi wstanatın BWW-nıñ gumanitarlıq missiyalar men tötenşe kömek boyınşa ökili Mark Loukok äli de Süriyadağı beybit halıqqa körsetilgen zorlıq turalı aqparattardı kün sayın alıp otırğanın jasırmadı.

“The Qazaq Times”