BWW bas hatşısı Guterriş. Foto: al Jazzira

Birikken Wlttar Wyımınıñ bas hatşısı Antoniu Guterriş arnayı mälimdeme jasap, Ukrainadağı atıstı toqtatuğa şaqırdı.

Halıqaralıq qauımdastıqtıñ bas hatşısı mälimdemesinde, soğıs bolıp jatqan Ukrainada 12 millionğa juıq adam gumanitarlıq kömekke mwqtaj ekenin alğa tarttı. Atıs bolıp jatqan aymaqtardan beybit twrğındardı evakuaciyalau jäne gumanitarlıq kömek jetkizu üşin taraptardı 24 säuirde Pasha merekesine oray 4 kün atıs toqtatuğa şaqırdı.

Guterriş alğa tartqan BWW mälimetine say, gumanitarlıq kömekke zäru bolıp otırğan adamdar sanı köp wzamay 15,7 millionğa jetui mümkin.

Ukraina SİM basşısı Kuleba BWW bas hatşısınıñ mälimdemesine qarata äleumettik jelide pikir bildirip, Reseydiñ halıqaralıq qauımdastıq wsınısın qabıldauı kerek ekenin ayttı. «Resey Ukrainadağı soğısın toqtatuı nemese gumanitarlıq üzilis berui kerek», – degen Dmitriy Kuleba.

The Qazaq Times