"Bank Centr Kredit" AQ basqarma törağası Ğalım Qwsayınov. Foto: Kapital.kz

Ekonomist Ğalım Qwsayınov «Bank CentrKredit» AQ basqarma törağası bolıp tağayındaldı. Ol qızmetine 2017 jıldıñ 23 qırküyeginen bastap kirisedi. Bwl turalı banktiñ PR jäne jarnama jönindegi jetekşisi Äsel Dürbaeva habarladı.

Ğalım Qwsayınov 2005 jılı F.M. Dostoevskiy atındağı Ombı memlekettik universitetiniñ ekonomika fakul'tetin bitirgen. MVA därejesi berilgen. Qızmetin «Ombı-Polimer» jauapkerşiligi şekteuli qoğamında bastadı. 2009 jıldan bastap «Zareçnoe» AQ bas direktorınıñ ekonomika jäne qarjı jönindegi orınbasarı retinde qızmetin jalğastırdı. 2011 jıldan qazirgi uaqıtqa deyin «Bank CentrKredit» AQ Direktorlar keñesiniñ törağası Baqıtbek Bayseyitovtıñ komandasında jwmıs istedi.

Al osı jıldıñ mamır ayınan bastap Qwsayınov Bank Centr Kreditte basqarma müşesi-basqaruşı direktor bolıp jwmıs istedi.

Ayta keteyik, bwğan deyin basqarma törağası bolğan Vladislav Kimniñ qızmetten ketetini turalı, alayda direktorlar keñesiniñ müşesi retinde bankte qaluı mümkin ekeni habarlanğan.

“The Qazaq Times”