Foto: Kapital.kz

2018 jıldıñ 13 aqpanınan bastap «Qazaqstannıñ depozitterge kepildik beru qorı» AQ (QDKBQ) «Qazinvestbank» AQ jeke twlğalar men jeke käsipkerleri aldındağı mindettemeleri boyınşa tölemin bastaydı. Bwl «Qazinvestbank» AQ-nıñ aktivteri men mindettemeleri «Al'fa-Bank» EB AQ-ğa ötken künnen bastap qalıptasqan aqşa qaldıqtarı, dep habarlaydı QDKBQ baspasöz qızmeti. 

"Tölemniñ jalpı soması 2,07 million teñgeni qwraydı, «Qazinvestbank» AQ şotında oñ qaldığı bar klientter sanı 70. Tölem QDKBQ-nıñ arnayı rezervi qarajatınan jüzege asırılatın boladı. Kepildik berilgen ötemdi töleuge arnalğan QDKBQ qarajatınıñ jalpı soması - 568,6 milliard teñge", - delingen baspas

Qordıñ mälimetinşe, ötkizilgen konkurs nätijesi boyınşa «Qazaqstannıñ depozitterge kepildik beru qorı» AQ Direktorlar keñesiniñ 2018 jıldıñ 7 aqpannıñ şeşimimen tölem boyınşa agent bank bolıp «Bank CentrKredit» AQ tağayındaldı. YAğni osı bank Almatı, Astana, Aqtöbe, Qarağandı, Pavlodar, Atırau qalalarındağı barlıq filialdar jüyesi arqılı jeke twlğalardıñ ötinişin qabıldap, qarastırıp, QDKBQ atınan jäne qarajatı esebinen kepildik berilgen ötemdi töleytin boladı.

Ayta keteyik, 2016 jıldıñ jeltoqsan ayınıñ soñında QR Wlttıq banki "Qazinvestbank" AQ-tı banktik jäne özge de operaciyalardı jäne bağalı qağazdar narığında qızmetti jürgizuge berilgen licenziyadan ayıru turalı turalı şeşim qabıldağan bolatın.

“The Qazaq Times”