Reseydegi benzin bağasınıñ özgerui Qazaqstanğa da äser etui mümkin. Foto: vestifinance.ru

Reseyde benzinniñ bölşek bağası 25 säuir men 2 mamır aralığında 0,2 %-ğa qımbattağan. Reseydiñ memlekettik statistika jönindegi federaldı qızmetiniñ mälimetinşe, janarmay bağası soñğı 7 aptadan beri birtindep köterilgen.

Äzirge dizel' otınınıñ bağası twraqtı. Desekte jıl basınan beri benzinniñ qwnı 2,7%-ğa, dizel' otınınıñ bağası 2,5%-ğa qımbattağan.

Bağa ötken aptada Mäskeu qalasında  0,3%-ğa köterilse, Sankt-Peterburgte 0,2%-ğa qımbattağan. Mısalı ötken aptada Mäskeude AI-92 (AI-93) markalı benzinniñ litri 35,00-37,90 rubl' bolsa, AI-95 markasınıñ litri 38,50-42,20 rubl'den joğarılağan. Al Sankt-Peterburg qalasında AI-92-niñ litri 35,00-36,89 rubl'den satılsa, AI-95 markası 38,70-40,94 rubl' şamasında satılğan.

Reseyde benzin öndirisi 24-30 säuir aralığında 11,8%-ğa nemese 756,6 mıñ tonnağa deyin ösken. Al dizel' otının öndiru 2,2%-ğa, 1 mln 453,7 mıñ tonnağa deyin artqan

Al bwl Qazaqstanğa qalay äser etedi? QR Energetika ministrliginiñ benzin bağasınıñ qwbılmalığına qatıstı pikirlerin eskerer bolsaq, bizdiñ işki narıq tikeley Resey narığımen baylanıstı. Mwnı ekonomist Ğalım Qwsayınovtıñ pikirinen de añğaruğa boladı. Ol osı jıldıñ aqpan ayındağı Qazaqstandağı benzin bağasınıñ köteriluin Reseydegi janarmay bağasınıñ joğarı boluı jäne valyuta kursınıñ özgeruimen baylanıstı ekenin aytqan. YAğni Reseyde benzin qımbattağan bolsa, bizde de bağa özgerui ıqtimal.

"The Qazaq Times"