Foto: InoSMI

Halıqaralıq valyuta qorınıñ direktorı Kristin Lagard jemqorlıqpen küresti barınşa küşeytuge uäde berdi. Uaşington Institutında ötken konferenciyada ol älemde alınatın nemese beriletin para soması men osı älemdik problemanı şeşuge jasalıp jatqan jaña qadamdar turalı ayttı. 

Kristin Lagardtıñ mälimetinşe, älem boyınşa jılına alınatın para kölemi 1,5 trln dollardan 2 trln dollarğa deyin jetedi eken. Bwl älemdiñ Jalpı işki önimniñ 2 payızın qwraydı.

"Mwnı tek aysbergtiñ üşı ğana deuge boladı, alayda wzaqmerzimdi äseri äldeqayda tereñde jatır", - dedi HVQ basşısı.

Kristin Lagard konferenciyada HVQ qwramına kiretin elderge para alu isimen küresuge kömektesetinin atap ötti. Sonday-aq, qor qoğamdıq ortağa ıqpal etetin halıqaralıq jeke oyınşılarğa köñil böledi.

"Jeke oyınşılar para alu arqılı sıbaylas jemqorlıqqa jäne janama türde  aqşanıñ jılıstauına jol berip, salıqtan jaltaruı mümkin", - dep tüsindirdi Lagard.

Bwdan bölek, qordağılar sıbaylas jemqorlıqpen küreste eñ jaqsı nätijege qol jetkizu üşin mäseleniñ praktikalıq şınayılığın moyındau kerek jäne onı şeşudiñ ärtürli joldarın qarasatıru qajet dep esepteydi.

“The Qazaq Times”