QR Parlament Senatınıñ törağası bolıp qayta saylanğan Qasım-Jomart Toqaev. Foto: Kazinform

Qasım-Jomart Toqaev qaytadan QR Parlament Senatınıñ törağası bolıp tağayındaldı. Onıñ kandidaturasın QR Prezidenti Nwrswltan Nazarbaev wsındı. Bwl turalı Senattıñ plenarlı otırısında aytıldı.

Jabıq dauıs beru barısında Toqaevtıñ kandidaturasın barlıq deputat qoldağan.

Ayta keteyik, Qasım Jomart Toqaev keşe Prezident Jarlığımen Parlament Senatınıñ deputatı bolıp qayta saylanğan bolatın. Ol Senat törağası qızmetin 2013 jıldıñ 16 qazanınan beri atqarıp keledi. Bwdan bwrın Prem'er-Ministr, Sırtqı ister ministri, BWW Bas hatşısınıñ orınbasarı, BWW-nıñ Jenevadağı böliminiñ bas direktorı, Qarusızdanu jönindegi konferenciyanıñ bas hatşısı qızmetterin atqarğan.

“The Qazaq Times”