Қасым-Жомарт Тоқаев қайтадан ҚР Парламент Сенатының төрағасы болып тағайындалды. Оның кандидатурасын ҚР Президенті Нұрсұлтан Назарбаев ұсынды. Бұл туралы Сенаттың пленарлы отырысында айтылды.

Жабық дауыс беру барысында Тоқаевтың кандидатурасын барлық депутат қолдаған.

Айта кетейік, Қасым Жомарт Тоқаев кеше Президент Жарлығымен Парламент Сенатының депутаты болып қайта сайланған болатын. Ол Сенат төрағасы қызметін 2013 жылдың 16 қазанынан бері атқарып келеді. Бұдан бұрын Премьер-Министр, Сыртқы істер министрі, БҰҰ Бас хатшысының орынбасары, БҰҰ-ның Женевадағы бөлімінің бас директоры, Қарусыздану жөніндегі конференцияның бас хатшысы қызметтерін атқарған.

“The Qazaq Times”