Almatıda aşılğan «Open Almaty» attı qoğamdıq qabıldau ornı,

 Almatıda qalalıqtarğa arnalğan «Open Almaty» attı qoğamdıq qabıldau ornı aşıldı. Bwl turalı Almatı qalası äkimdiginiñ baspasöz qızmeti habarladı. 

Äkimdiktiñ mälimetinşe, «Open Almaty» – Almatı äkimdiginiñ türli ömirlik jağdaylardı şeşu jäne  twrğındarğa qızmet körsetu jönindegi  jaña jobası.

"Qoğamdıq qabıldauğa kelgen ärbir janğa tiisti keñes beriledi jäne olar äkimdikke, qala basqarmalarına, prokuraturağa, policiyağa, memlekettik kiris departamentine jäne basqalarğa joldanğan öz ötinişterin qaldıra  aladı", - delingen baspasöz habarlamasında.

Jaña qalalıq servis arqılı qalanıñ ärbir twrğını nemese qonağı türli qızmetke qatıstı öz wsınısı men şağımın qalanıñ qoğamdıq qabıldauına open-almaty.kz  internet- portalı nemese  1308 nömiri boyınşa jibere  aladı. «Open Almaty» portalı boyınşa türli ömirlik jağdaylardı şeşu algoritmimen qosa qalanıñ  kommunaldı qızmet körsetu orındarınıñ (jol, arıq, jılu jüyesin, aula jäne basqaların jöndeu) jwmıstarımen tanısıp, baylanısa aladı.

Qoğamdıq qabıldaudıñ front-ofisinde qalanıñ barlıq audandarınıñ, twrğın üy, jwmıspen qamtu  jäne äleumettik qızmet, jolauşılar köligi, tabiği resurstar men arhitektura basqarmalarınıñ, qalalıq prokuratura, policiya, memlekettik kiris  departamentiniñ, TJD-niñ, HQKO-nıñ, käsipkerlerdiñ Wlttıq palatasınıñ ökilderi, mediatorlar qızmet körsetedi.Basqarmalar basşıları qoğamdıq qabıldaular  ötkizip, qalalıq türli bastamalardı tanıstıra aladı.

Jaña servistiñ jwmıs kestesi qala twrğındarınıñ jwmıs uaqıtın eskere otırıp jasalğan, qızmet körsetu uaqıttarı jay künderi sağat 8.00 den 20.00-ge deyin, senbi künderi sağat 10.00 nan 17.00-ge deyiin. Qabıldau ornı Bayzaqov köşesi, 280 (Sätpaev köşesiniñ qiılısı) «Almatı Tauers» ortalığında ornalasqan.

“The Qazaq Times”