Astanada zañsız qızmet etetin taksiler joyılmaq. Ol üşin jergilikti bilik ökilderi tekseru jürgizgeli otır. Osılayşa qala tehnikalıq, medicinalıq tekseristen ötpegen, jolauşı qauipsizdigine jauap bermeytin taksi qızmetinen tazartılmaq, dep habarlaydı Astana telearnası.

Telearnanıñ mälimetinşe, qazir qalada 14 taksomotorlı kompaniya bar. YAğni 500 kölik qızmet etedi. Soñğı 3-4 jılda mwnday 20 şaqtı kompaniya jwmısın toqtatqan. Öytkeni, zañsız qızmet körsetetinder köp bolğandıqtan, toqırap qalğan.

Endi qala äkimdigi qala imidjine nwqsan keltirmey, jolauşılar qauipsizdigin qamtamasız etpek. Qırküyektiñ 12-sinen bastap 1 ay boyı zañsız taksi qızmetin atqaratındardı tekseru bastaladı. Jolauşı tasuğa qwjatı joq kölik jürgizuşileri 20 aylıq eseptik körsetkişke deyin ayıppwl töleytin boladı. Ol 45 mıñ teñgeden joğarı.

"Äzirge äkimdik ökilderi zañsız taksi qızmetin atqarıp jürgenderdi wstaytın boladı. Al aldağı uaqıtta qol bwlğağandarğa twra qalıp, jolauşını dittegen jerine jetkizetin kölik ieleri de jauapqa tartılmaq. Biraq mamandar olardı qaşan, qalay wstaytındarı talqılamaq.  Mobil'di qosımşa arqılı qızmet etetinder de tekserilui mümkin", - deydi «ASTANA LRT» JŞS jolauşılar köligi böliminiñ mamanı Abdıhamit Tamabaev.

Ayta keteyik, qazirgi tañda jwmıssız jürgen azamattardıñ köpşiligi otbasın asırau üşin osılay zañsız taksi qızmetin wsınadı. Al eger mwnday tekseru jwmıstarı tek Astana ğana emes, basqa qalalarda da jürgiziletin bolsa, onda Ükimetke taksi bolıp nanın tauıp jep jürgen azamattardı jwmıspen qamtudıñ jaña reformasın jasap şığuğa tura keledi.

“The Qazaq Times”