Foto: Getty Images

Qıtaylıq azamat Den I Vey elde ornatılğan internet cenzuranı aynalıp ötip, azamattarğa Qıtay aumağında tıyım salınğan sayttarğa kiruge mümkindik beretin VPN jelilerin saudalağanı üşin jauapqa tartıldı. Sottıñ şeşimimen, oğan 9 ay abaqtığa jabu turalı ükim kesildi. Bwl turalı BBC aqparattıq agenttigi jazdı. 

Jas jigit atalğan käsippen 2015 jıldan beri aynalısıp kelgen. 2017 jıldıñ qañtar ayınan bastap, Qıtay Ükimeti internet cenzuranı bwzğan azamattardı qwrıqtau boyınşa kölemdi kampaniya jürgizip, nätijesinde VPN qoldanğan, onı saudalağan  azamattar qolğa tüsti. Sonday-aq, VPN jazıp aluğa mümkindik beretin 60-qa juıq mobil'di qosımşalar bwğattaldı.

Jeke virtualdı sayttar (VPN - virtual private network) öz qoldanuşılarına onıñ memleketinde bwğattalğan internet resurstarğa qol jetkizuge arnayı trafik wsınadı.

Ayta keteyik,  Qazaqstanda  türli sayttarğa kiruge tıyım salınbasa da, äleumettik jeliderdegi aram piğıldı ärtürli toptarğa tirkelip, solardıñ jeteginde ketken azamattar barşılıq. Al olardı bwğattağannan äzirge payda bolıp otırğan joq.

“The Qazaq Times”