فوتو: Getty Images

قىتايلىق ازامات دەن ي ۆەي ەلدە ورناتىلعان ينتەرنەت تسەنزۋرانى اينالىپ ءوتىپ، ازاماتتارعا قىتاي اۋماعىندا تىيىم سالىنعان سايتتارعا كىرۋگە مۇمكىندىك بەرەتىن VPN جەلىلەرىن ساۋدالاعانى ءۇشىن جاۋاپقا تارتىلدى. سوتتىڭ شەشىمىمەن، وعان 9 اي اباقتىعا جابۋ تۋرالى ۇكىم كەسىلدى. بۇل تۋرالى BBC اقپاراتتىق اگەنتتىگى جازدى. 

جاس جىگىت اتالعان كاسىپپەن 2015 جىلدان بەرى اينالىسىپ كەلگەن. 2017 جىلدىڭ قاڭتار ايىنان باستاپ، قىتاي ۇكىمەتى ينتەرنەت تسەنزۋرانى بۇزعان ازاماتتاردى قۇرىقتاۋ بويىنشا كولەمدى كامپانيا جۇرگىزىپ، ناتيجەسىندە VPN قولدانعان، ونى ساۋدالاعان  ازاماتتار قولعا ءتۇستى. سونداي-اق، VPN جازىپ الۋعا مۇمكىندىك بەرەتىن 60-قا جۋىق ءموبيلدى قوسىمشالار بۇعاتتالدى.

جەكە ۆيرتۋالدى سايتتار (VPN - virtual private network) ءوز قولدانۋشىلارىنا ونىڭ مەملەكەتىندە بۇعاتتالعان ينتەرنەت رەسۋرستارعا قول جەتكىزۋگە ارنايى ترافيك ۇسىنادى.

ايتا كەتەيىك،  قازاقستاندا  تۇرلى سايتتارعا كىرۋگە تىيىم سالىنباسا دا، الەۋمەتتىك جەلىدەردەگى ارام پيعىلدى ءارتۇرلى توپتارعا تىركەلىپ، سولاردىڭ جەتەگىندە كەتكەن ازاماتتار بارشىلىق. ال ولاردى بۇعاتتاعاننان ازىرگە پايدا بولىپ وتىرعان جوق.

“The Qazaq Times”