Foto: Breitbart

Donal'd Tramp AQŞ-tağı immigrant jastardı qorğaytın bağdarlama jwmısın toqtatu turalı şeşim şığaruı mümkin. Bwl turalı barlıq aqparat qwraldarınan jinaqtalğan derekter negizinde  ABC News habarladı.

Barak Obamanıñ bastamasımen 2012 jılı 15 mausımda qwrılğan bağdarlama (Deferred Action for Childhood Arrivals nemese DACA) Amerikağa bala kezinde kelgen zañsız immigrant jastardı 2 jıl boyı deportaciyalaudan qorğap, jwmıs isteuge rwqsat aluğa kömektesedi. Bwl memlekettik emes organ qazirdiñ özinde beyresmi "Armanşıldar" (Dreamers) atanğan 600 mıñ immigrant jastı qamqorlığına alıp otır.

Esteriñizge sala keteyik, öziniñ saylaualdı bağdardamasında Donal'd Tramp Prezidenttik qızmetke tağayındalsa, Barak Obama twsında qabıldanğan imigranttarğa qatıstı barlıq zañdar men bağdarlamalardıñ (DACA-nı qosqanda) küşin joyatının aytqan bolatın.

Aq üydiñ baspasöz hatşısı Sara Sanders jurnalisterge bergen swhbatı kezinde bwl mäsele äli talqılauda ekenin jetkizip, soñğı zañdı şeşimdi Kongress qabıldaytının atap ötti.

2013 jıldan bastap, respublikaşıldar DACA-nıñ jwmısın toqtatuğa küş salıp keledi. Mausım ayında on respublikaşıl prokuror Donal'd Tramp äkimşiliginen DACA-nı jabudı swrap, bwl immigranttarğa kömek körsetu turalı osığan deyin qabıldanğan qwjattarğa äser etpeydi, tek jaña qoldau şaraların jüzege asırudı toqtatu kerek dep mälimdegen.

DACA-nıñ qoldauşıları: "Atalğan bağdarlama qwrıluı üşin immigrant jastar qalay belsendilik tanıtsa, onı saqtap qalu üşin biz de qolımızdan kelgenniñ barlığın jasaymız. Sotqa şağım tüsiremiz, şeruge şığamız", - dedi.

“The Qazaq Times”