Jozef Baydengen aşıq hat joldandı. Foto: orfonline.org.

Älemdegi 100-den astam wyım AQŞ prezidenti Jo Baydenge aşıq hat joldap, belilengen soğıs alañdarınan tıs jerlerde adam ölimine alıp keletin şabuıldarğa tıyım saludı, jaqında ğana ol maqwldağan wşqışsız wşu qwrılğıları arqılı jasalatın şabuıldardı toqtatudı talap etti. Särsenbide jariyalanğan aşıq hatqa amerikalıq jäne özge elderdegi adam qwqığı men azamattıq bostandıqtı, din men beybitşilikti nasihattaytın wyımdar qol qoyğan.  

AQŞ prezidentine joldanğan aşıq hatta bwnday şabuıldar zañsız jäne «Amerikanıñ mäñgilik soğısınıñ özegi» dep bağalağan. Sonday-aq, «11 qırküyek» oqiğasınıñ 20 jıldığı jaqındağan twsta adamzattıñ wjımdıq qauipsizdigin qorğaytın jäne oğan qwrmetpen qaraytın jaña jospardı dayındaytın kez keldi» delingen aşıq hatta.

«Qazirgi prezidentterdiñ bäri de birjaqtı bilikke ie bola otırıp, belgilengen wrıs alañdarı men sottan tıs jerlerdegi kisi ölimine, jazıqsız öltirilgender men beybit twrğındardıñ zardap şeguine qatıstı jauapkerşilikti öz moynına almay otır», – degen wyımdardıñ Baydenge jazğan aşıq hatında. Sonday-aq, atalmış hatta bwnday äreketterdi ayıptap: «Ajal şaşatın bwl joba AQŞ-tıñ soğısqa negizdelgen keñ taktikasınıñ negizine aynaldı. Ol özge de zorlıq-zombılıqtı, soğıs pen qaqtığıstarğa bastadı; jüz mıñdağan adam ölimi, sonıñ işinde köptegen beybit twrğındardıñ qaza boluı; milliondağan bosqındar; merzimsiz äskeri qamauğa alu jäne azaptaular –  bwlar wzaqqqa sozılğan psihologiyalıq jaraqattardı tudırdı jäne köptegen otbasılardıñ jaqındarınan jäne ömir süru mümkindiginen  ayırdı», – degen.

Älem beybitşiligine qatıstı alañdauşılıq bildirgen wyımdar Baydennen «ayaqtalmaytın soğıstı» toqtatıp, AQŞ sırtqı sayasatına adam qwqığı men näsildik teñdikti qwndılıq etip qoyudı talap etken.

Aşıq hatqa qol qoyğan wyımdardıñ qatarında Halıqaralıq Amnistiya, Amerikalıq Azamattıq Erkindikter Odağı (ACLU), Amerika-Islam qatınastarı komiteti (CAIR), Human Rights Watch, Europalıq konstituciya jäne adam qwqıqtarı ortalığı (ECCHR), Wlıbritaniyanıñ Beybitşilik Direct wyımı jäne Päkistannıñ «Ädilet jobası» qatarlı wyımdarı bar.

“The Qazaq Times”