Dübirli Gala-koncertpen Astanada äskeri orkestrlerdiñ Vİ halıqaralıq «Äskeri kerney» festivali öz märesine jetti dep habarlaydı QR Wlttıq wlanınıñ baspasöz qızmeti. «Qazaqstan» sport sarayında ötken öner keşi elimizdiñ işki ister organdarınıñ 25 jıldıq belesine arnaldı.

Dästürge aynalğan «Äskeri kerney» festivali biıl altınşı märte öz jalauın köterip, oğan elimizdiñ mañday aldı äskeri orkestrlerimen birge körşi Qıtay men Reseydiñ üzdik äskeri öner wjımdarı qatıstı. Atap aytar bolsaq,  bayqauğa irikteu sındarınan sürinbey ötken Qazaqstan Respublikası Wlttıq wlanınıñ üzdik degen äskeri orkestrleri öner körsetti. Olardıñ qatarında Wlttıq wlannıñ ülgilik körsetimdi orkestri, Äskeri instituttıñ äskeri orkestri, Wlttıq wlannıñ «Oñtüstik», «Ortalıq», «Batıs» jäne «Şığıs» öñirlik qolbasşılıqtarınıñ äskeri orkestrleri bar.

Sonımen birge festival'diñ aqtıq öner keşinde Memlekettik küzet qızmetiniñ (Prezidenttik orkestr) äskeri orkestri men qwrmet qarauıl rotası, WQK Şekara qızmetiniñ birlesken orkestri jäne QR Qorğanıs ministrliginiñ Ortalıq orkestri qatıstı. Öner dodasınıñ körkin şet elderden kelgen Resey Federaciyası Wlttıq wlanı äskeri Oral okrugı ştabınıñ äskeri orkestri men Qıtay Halıq Respublikası Halıqtıq qarulı policiyasınıñ orkestri qızdırdı.

Otansüygiştik pen wrpaqtar sabaqtastığı ruhında örilgen Plac-koncert «EKSPO-2017» halıqaralıq körmesi is-şaraları ayasında ötkizilip, ondağı klassikalıq, halıqtıq jäne estradalıq muzıkalıq tuındılarmen qatar, jauıngerlik parad-defile, äskeri-qızmetşilerdiñ qaru-jaraqpen körsetilgen tanımdıq körsetilimderi Astana jäne onıñ qonaqtarı üşin birden-bir este qalarlıqtay jarqın äser qaldırdı.

Äsirese, jwrtşılıqtı Prezidenttik orkestr men Wlttıq wlan ülgilik körsetimdi orkestri orındağan tuındılar erekşe tänti etti. Elimizdiñ eñbek siñirgen qayratkeri Tilek Erğaliev jetekşilik etetin Prezidenttik-ürmeli orkestr Mäskeude ötetin äygili halıqaralıq «Spasskaya başnya» festivaliniñ twraqtı qatısuşısı. Onımen birge öner wjımı Qazaqstandı türli älemdik bayqaularda abıroymen tanıtıp jür. Bwl keşte de önerpazdar tamaşa şou wyımdastıra bilip, körermendi quanışqa böley bildi.

Reseydiñ eñbek siñirgen ärtisi podpolkovnik Valeriy Belikov dirijerlik etetin Ekaterinburg qalasınan kelgen Wlttıq wlan äskeri Oral okrugı ştabınıñ orkestri de qalıñ qauımğa köteriñki köñil-küy sıylay bildi. Käsibi deñgeyde orındalğan tuındılar körermenniñ jüregine döp tiip jattı. Qazaq eline qwrmet retinde öner wjımı Abaydıñ «Közimniñ qarası» men «Naurız» äuenin dombıramen süyemeldey orındap, keşke jinalğan jwrtşılıqtıñ erekşe ıqılasın tuğıza bildi.

Qıtaylıq Li Sıçen jetekşilik etetin Halıqtıq qarulı policiyasınıñ «Zaşitnik» orkestri osımen ekinşi ret Wlttıq wlan Bas qolbasşısınıñ jüldeleri üşin ötken halıqarlıq festival'ğa qatıstı. Qwramında darındı da şeber orındauşıları bar muzıkantşılar osı jolı da bar önerlerin ortağa saldı. Qıtaylıq kompozitorlardıñ tuındıların orındağan orkestr jinalğan qauımdı aspan astı eliniñ mädenietimen tänti etti.

Keş barısında 150 adamnan qwralğan wlandıq jauıngerler işki ister organdarınıñ 25 jıldığına tartu retinde «İİM», «25», «WW», «KZ» äripteri men sandarın salıp, Wlttıq wlan Än-bi ansambliniñ solisteri «Policiya qıranımız» jäne «Wlandar» attı Wlttıq wlan gimnin orındadı.

Al qıtaylıq, reseylik jäne Wlttıq wlannıñ ülgilik körsetimdi orkestri birlese orındağan «Drujba» äueni üş el arasındağı ıntımaqtastıqtıñ mızğımas ekendigin äspettegendey boldı. Saltanattı keş festival'ğa qatısqan barşa orkestrlerdiñ orındauındağı «Qazaq eli» änimen ayaqtaldı.

Festival' qorıtındısı boyınşa Wlttıq wlan Bas qolbasşısı general-leytenant Ruslan Jaqsılıqov öz atınan arnayı sıylıqtar men diplomdardı Resey, Qıtay, elimizdiñ Prezidenttik orkestri, Qorğanıs ministrliginiñ Ortalıq orkestri jäne WQK Şekara qızmetiniñ birlesken orkestrleriniñ jetekşilerine tartu etti.

“The Qazaq Times”