Foto: Forbes.kz

Resey Qazaqstanğa Novosibirsk oblısındağı Sladkoe kölin bermegenin mälimdedi.

Novosibirsk oblısınıñ zañnamalıq keñes törağasınıñ orınbasarı Andrey Parfenov Sladkoe kölin tolıqtay Qazaqstan aumağına ötkendigi jayındağı aqparattı joqqa şığardı. Ol Reseydiñ «Komersant» basılımına bergen swhbatında: «Bwnıñ barlığı qañqu söz. Köldiñ bir böligi bizdiki. Bwrın eki el arasındağı şekara qalay bolsa, sol qalpında qaldı. Qalay ğana eliñniñ bir böligin özge bireuge berip jiberuge boladı?» - degen.

Esteriñizge salayıq, keşe tamızdıñ 15-i küni Reseydiñ Novosibirsk oblısına qarastı Kupinsk audanınıñ basşısı Vladimir Şubnikov Sladkoe köli tolıqtay Qazaqstan ieligine ötti degen aqparat taratqan bolatın. Onıñ bwl mälimdemesinen keyin jergilikti halıq narazılıq bildirip, Şubnikov BAQ ökilderimen söylesuden bas tartqan edi.

Qazirgi uaqıtta Sladkoe köliniñ 30 payızı Qazaqstanğa, 70 payızı Reseyge tiesili.

“The Qazaq Times”