Foto: Hubs.ua

Jaqında Mäskeuge Liviya wlttıq äskeriniñ qolbasşısı Halifa Haftar resmi is-saparmen keldi. Ol Resey Federaciyasınıñ sırtqı ister ministri Sergey Lavrov pen qorğanıs ministri Sergey Şoygumen kezdesti. Kezdesu barısında Halifa Haftar Reseyden äskeri kömek swradı. Bwl Mäskeudiñ Tayau Şığısta ekinşi äskeri front aşuı emes pe? Resey biligi Haftardı qabıldau arqılı odan ekinşi Muammar Kaddafi jasamaq pa? Bügin biz osı jäne özge de swraqtarğa jauap izdep köruge tırıstıq.

Resey Federaciyasınıñ Birikken Wlttar Wyımınıñ Liviyada Muammar Kaddafidi taqtan taydıruğa baylanıstı qararına veto qoymay jibergen qateliginen keyin Mäskeuge Halifa Haftardiñ kelui Kreml'diñ 2016 jılı Liviyada batıs elderi men AQŞ-qa jibergen esesin qaytaratın mümkindikterdiñ biri. Olay deytin sebebimiz Halifa Haftar Mäskeuge kele salısımen Liviya aumağınıñ 90 payızı, onıñ işinde mwnay oşaqtarınıñ barlığı özine tiesili äskeri toptardıñ baqılauında ekenin mälimdedi. Haftardiñ bwl sözi Kreml'di qızıqtırmay qoymaytını sözsiz. Öytkeni batıs pen AQŞ-tıñ qalıñ sankciyasınıñ ortasında otırğan Resey üşin Liviya qara altını taptırmas payda. Onıñ üstine däl osı Liviya dağdarısınan keyin älemde mwnay bağası qwldırap ketken bolatın. Egerde Resey Haftarge kömek qolın sozıp onı Kaddafidiñ orınına qoyatın bolsa, onda älemdegi mwnay bağası twraqtaluı mümkin. Sebebi älemdegi mwnay öndiruşi elderge OPEK tarapınan qoyılatın şekteuler Liviya mwnayına äsker etpeydi.

Muammar Kaddafi twsında Reseydiñ Liviyadağı küşi batıs elderine qarağanda basım bolğan. Biraq bwl basımdıqtı Dmitriy Medvedev prezident bolıp twrğan kezinde uısınan şığarıp alğanı belgili. Mäskeu osı uaqıtqa deyin Liviya aumağınan Kaddafidiñ ornın basatın, eldi küşpen biriktire alatın twlğa izdep kelgen. Osı maqsatta Halifa Haftardiñ aldında Mäskeuge resmi is-saparmen Liviyanıñ älem elderi moyındağan biliginiñ basşısı Faez Sarradj kelgen bolatın. Ol da Kreml'den elde twraqtılıq ornatu üşin äskeri kömek swrağan edi. Biraq Mäskeu Sarradjdıñ bwl swranısın qarausız qaldırğan. Sebebi qazir Liviyada Sarradj resmi memleket basşısı bolıp sanalğanımen, onıñ baqılap otırğan aumağı tek el astanası Tripalidiñ köşeleri ğana. Biraq Sarradj öz küşiniñ älsizdigine qaramastan qazirgi tañda Haftarge bastı sayasi qarsılas. Osı uaqıtqa deyin Haftar men Sarradjdı bir mämilege keluge şaqırıp, batıs elderinen bastap Reseyge deyin birneşe ret qadamdar jasap körgen. Biraq olarınan tük şıqpağan bolatın.

Qorıta kelgende, Mäskeu Halifa Haftardiñ swranısın qabıl alıp oğan äskeri kömekti tek bir ğana kelisim boyınşa berui mümkin. Ol - Haftar bilik basına kelgennen keyin, Kreml'diñ Liviya aumağında öz sayasatın eş kedergisiz jürgizui. Esteriñizde bolsa, Resey mwnday täsildi kezinde Süriyadağı azamat soğısı kezinde Damaskiniñ qazirgi biligine de qoldanğan bolatın. Mäskeudiñ bwl täsiliniñ nätijesi qanday bolatının Asad pen Putin arasındağı qarım-qatınastan-aq bayqauğa boladı. Bir sözben aytqanda qazir Reseyge Liviyada kerek kezde özin qoldaytın ekinşi Kaddafi kerek. Al ol rölge Halifa Haftardiñ layıqtı, layıqtı emes ekenin uaqıt körsetedi.

“The Qazaq Times”