Foto: astanafm.kz

Halıqaralıq EKSPO-2017  körmesi aymağında Energetika ministri Q.Bozımbaev, Astana qalasınıñ äkimi Ä. Isekeşev, Almatı oblısınıñ äkimi A.Batalov, «ÖKM Operatorı» JŞS bas direktorı S.Korotenko, Qazaqstannıñ   Ekologiyalıq  wyımdarı  qauımdastığınıñ Basqarma Törağası A.Mahmetov qatısuımen «Forsite» kezdesui ötti.

Kezdesudiñ bastı maqsatı - üzdik älemdik täjiribeni  negizge ala otırıp, zamanaui   tehnologiyanı paydalanu arqılı qaldıqtardı  basqarudıñ aymaqtıq  innovaciyalıq  jüyesin  qwru.

«Forsite» kezdesuine halıqaralıq, memlekettik jäne ükimettik emes wyımdar şaqırılıp,  qatısuşılar qoğamnıñ ekologiyalıq mädenietin arttıruda ideologiyalıq jwmıs jürgizu mäselesin birlese talqıladı. Atap aytqanda balalar,  jastar jäne eresekter arasında ekologiyalıq bilimdi köteru mäselesi qozğaldı.

Kezdesu  barısında QR Energetika ministrligi, Astana qalasınıñ jäne Almatı oblısınıñ  äkimdigi, «ÖKM Operatorı» men Qazaqstannıñ ekologiyalıq wyımdarı Qauımdastığı qaldıqtardı  qayta  öñdeudiñ  tetigin, sonıñ  işinde  jeke  jäne  zañdı  twlğalardıñ QTQ bölek jinau jüyesin engizudegi mañızdı mäseleni birlese şeşuge arnalğan wzaq merzimdi äriptestik jöninde Memorandumğa  qol qoydı.

Şara ayasında Qazaqstannıñ ekologiyalıq wyımdarı Qauımdastığınıñ qwrılğandığı resmi türde mälimdelip,  qauımdastıqtıñ «Densaulıq üşin", "Balamnıñ bolaşağı üşin", "Men Jasıl Qazaqstan üşin» attı alğaşqı jobaları tanıstırıldı.

“The Qazaq Times”