Foto: Kazinform

Qazaqstan ükimeti Reseyge salınğan sankciyağa qatıstı bolatın jaña tolqularğa dayın. Bwl turalı Ükimet otırısınıñ kuluarında Timur Süleymenov mälimdedi. 

Ministrdiñ sözinşe, körşi elge qarsı qabıldanğan şekteu şaraları respublikağa tikeley äser etpeydi, biraq ükimet qanday jağday bolsa da dayın.

"Bärine dayın bolu kerek, biraq asıra silteudiñ qajeti joq. Ministrlik ayasında Wlttıq banktegi jäne Qarjı ministrligindegi äripsestermen birge kez kelgen jağdayğa dayınbız. Degenmen mwnı biz tötenşe jağday dep eseptemeymiz. Sankciya äseri mwnay, metal bağasınıñ köterilui nemese tüsui, tipti basqa körşi elderdegi ekonomikanıñ älsireui kezindegi jağday siyaqtı boladı dep esepteymiz. Alayda birden teris äser ete qoymaydı", - dedi vedomstvo basşısı.

Alayda ol "sankciya wzaq merzimge sozılatın bolsa bwl Resey ekonomikasına da, Qazaqstan ekonomikasına da aytarlıqtay äser etedi" degendi aytadı.

"Bizdiñ mwnayımızdı teñizben äsirese Novorossiyskpen baylanıstırıp otırğan mwnay qwbırlarına qatıstı mäsele köterildi. Sankciyada oğan qol qoyılmağan. Sebebi  amerikalıq Chevron komaniyasınıñ özi Kaspiy qwbır jelisi konsorciumınıñ investorı. Sondıqtan olar özderiniñ kongresi arqılı mwnday tranzittik mwnay qwbırların sankciya tiziminen şığaruğa qol jetkizdi. YAğni bwl bölik boyınşa jergilikti narıqqa mwnay şikizatın jetkizude qiındıq bolmaydı", - dedi WEM basşısı.

Desek te Qazaqstannıñ ekonomikası körşi eldiñ ekonomikasına baylaulı ekenin eskeru qajet. Sebebi ekonomikağa äser etetin tek mwnay narığı ğana emes. Auıl şaruaşılığı önimderiniñ eksportı, sauda qatınası da el ekonomikasın qalıptastıratın negizgi faktor.

“The Qazaq Times”