Resey Qırğızstanğa S-300 zımıran keşenderin jibermek

Resey Qırğızstanğa S-300 zenittik-zımıran keşenderi men drondarın jetkizbek. Bwl turalı Qırğız memleketi basşısınıñ baspasöz hatşısı Galina Bäyterek habarladı.

24-25 aqpanda Reseyde ötken kezdesu barısında Qırğızstannıñ jañadan saylanğan prezidenti Sadır Japarov osınday uağdalastıqqa qol qoyğan.

Resmi mälimdemede: «Taraptardıñ äskeri-qorğanıs ıntımaqtastığın jalğastıru boyınşa kelisimi mañızdı. Atap aytqanda, jaqın arada S-300 zenittik zımıran jüyelerin jäne wşqışsız wşu aparttarın jetkizu turalı kelisimge qol qoyıldı. Bwl kelisim Reseydiñ, Qırğız Respublikasınıñ, EAEO men WQŞW sırtqı şekaralarınıñ da qauipsizdigin qamtamasız etudegi mañızdı qadam», – delingen.

Segiz jıl bwrın Qırğızstan men Resey arasında äskeri-tehnikalıq saladağı ıntımaqtastıq turalı ükimetaralıq kelisimge qol qoyılğan. Kelisim ayasında Resey Qırğızstanğa 1 milliard dollarğa zamanaui qaru-jaraq pen äskeri tehnika berdi.

Eki memleket te Wjımdıq qauipsizdik turalı şart wyımına müşe. Qırğızstan aumağında Reseydiñ birikken äskeri bazası ornalasqan. Ortalıqqa Kant qalasındağı (Şu oblısı) Resey Federaciyasınıñ äue bazası kiredi.

2016 jılı Resey Qazaqstanğa 5 dana S-300 zenittik zımıran keşenin bergen. 2015 jıldan bastap äskeri-tehnikalıq ıntımaqtastıq turalı qazaqstandıq-reseylik şart qoldanısqa engizildi. Atalğan şart ayasında Qazaqstanğa birneşe qaru-jaraqtar jetkizilui tiis. Bwl – Su-30SM joyğıştarı, Mi-171Ş pen Mi-35 äskeri-köliktik jäne jauıngerlik tikwşaqtarı, radiotehnikalıq barlau jäne monitoringileu qwraldarı, sonday-aq, özge de qaru-jaraqtar. Degenmen, 2016 jılı Resey «tegin bergen» S-300 zımıran keşenderin jöndeuden ötkizu kerek bolğan.

TMD elderiniñ birikken äue qorğanısı jüyesin qwru kelisimine qaramastan, Resey Qazaqstanmen ekijaqtı negizde birtwtas äue qorğanısı jüyesin qwruğa wmtılıp keledi. Resey batısında Belarus'pen, oñtüstik-şığısında Qazaqstanmen osınday jüye qwrdı. Al 2016 jılı qazanda Resey ükimeti oñtüstik-batıs bağıtında, yağni Kavkaz aymağında äue qorğanısı jüyesin qwru jönindegi Armeniyamen kelisimdi maqwldadı. Aqparat qwraldarınıñ habarlauınşa, Resey endi Qırğızstan jäne Täjikstanmen äue qorğanısınıñ birikken jüyesin qwrudı josparlaydı.

"The Qazaq Times"