فوتو: كازينفورم

قازاقستان ۇكىمەتى رەسەيگە سالىنعان سانكتسياعا قاتىستى بولاتىن جاڭا تولقۋلارعا دايىن. بۇل تۋرالى ۇكىمەت وتىرىسىنىڭ كۋلۋارىندا تيمۋر سۇلەيمەنوۆ مالىمدەدى. 

ءمينيستردىڭ سوزىنشە، كورشى ەلگە قارسى قابىلدانعان شەكتەۋ شارالارى رەسپۋبليكاعا تىكەلەي اسەر ەتپەيدى، بىراق ۇكىمەت قانداي جاعداي بولسا دا دايىن.

"بارىنە دايىن بولۋ كەرەك، بىراق اسىرا سىلتەۋدىڭ قاجەتى جوق. مينيسترلىك اياسىندا ۇلتتىق بانكتەگى جانە قارجى مينيسترلىگىندەگى ارىپسەستەرمەن بىرگە كەز كەلگەن جاعدايعا دايىنبىز. دەگەنمەن مۇنى ءبىز توتەنشە جاعداي دەپ ەسەپتەمەيمىز. سانكتسيا اسەرى مۇناي، مەتال باعاسىنىڭ كوتەرىلۋى نەمەسە ءتۇسۋى، ءتىپتى باسقا كورشى ەلدەردەگى ەكونوميكانىڭ السىرەۋى كەزىندەگى جاعداي سياقتى بولادى دەپ ەسەپتەيمىز. الايدا بىردەن تەرىس اسەر ەتە قويمايدى", - دەدى ۆەدومستۆو باسشىسى.

الايدا ول "سانكتسيا ۇزاق مەرزىمگە سوزىلاتىن بولسا بۇل رەسەي ەكونوميكاسىنا دا، قازاقستان ەكونوميكاسىنا دا ايتارلىقتاي اسەر ەتەدى" دەگەندى ايتادى.

ء"بىزدىڭ مۇنايىمىزدى تەڭىزبەن اسىرەسە نوۆوروسسيسكپەن بايلانىستىرىپ وتىرعان مۇناي قۇبىرلارىنا قاتىستى ماسەلە كوتەرىلدى. سانكتسيادا وعان قول قويىلماعان. سەبەبى  امەريكالىق Chevron كومانياسىنىڭ ءوزى كاسپي قۇبىر جەلىسى كونسورتسيۋمىنىڭ ينۆەستورى. سوندىقتان ولار وزدەرىنىڭ كونگرەسى ارقىلى مۇنداي ترانزيتتىك مۇناي قۇبىرلارىن سانكتسيا تىزىمىنەن شىعارۋعا قول جەتكىزدى. ياعني بۇل بولىك بويىنشا جەرگىلىكتى نارىققا مۇناي شيكىزاتىن جەتكىزۋدە قيىندىق بولمايدى", - دەدى ۇەم باسشىسى.

دەسەك تە قازاقستاننىڭ ەكونوميكاسى كورشى ەلدىڭ ەكونوميكاسىنا بايلاۋلى ەكەنىن ەسكەرۋ قاجەت. سەبەبى ەكونوميكاعا اسەر ەتەتىن تەك مۇناي نارىعى عانا ەمەس. اۋىل شارۋاشىلىعى ونىمدەرىنىڭ ەكسپورتى، ساۋدا قاتىناسى دا ەل ەكونوميكاسىن قالىپتاستىراتىن نەگىزگى فاكتور.

“The Qazaq Times”