Halıq bank pen Qazpoşta ıntımaqtastıq turalı memorandumğa qol qoydı

Astanada «Qazaqstan Halıq banki» AQ  pen «Qazpoşta» AQ arasında ıntımaqtastıq turalı memorandumğa qol qoyu räsimi ötti. Bwl turalı banktiñ baspasöz qızmeti habarladı. 

Qol qoyu räsimine «Qazpoşta» AQ basqarma törağası Säken Sarsenov jäne «Qazaqstan Halıq banki» AQ basqarma törayımı Ümit Şayahmetova qatıstı.

Ataulı qwjat Halıq banki men Halyk Group Qazpoşta üşin qızmet körsetu böliginde Bank jäne Kompaniyanıñ özara ıntımaqtastığın damıtuğa jäne Qazpoşta agenttigi, poşta, sonday-aq özge de qızmetterdi Halıq bankine jekelegen bağıttar boyınşa qızmet körsetuge bağıttalğan.

Atap aytqanda, Qazpoşta jeke twlğalarğa bank önimderin satu (depozitter, kreditter jäne özge de önimder) boyınşa Halıq banki bölimşeleri joq auıldıq eldi mekenderde halıqtıñ qajettilikterine baylanıstı avtomattandırılğan bölimşelerin wsınadı.

Sonday-aq Halıq bankinde aşılğan şottarğa jeke twlğalardıñ tölemderin Qazpoşta bölimşelerinde qabıldap jäne öz kezeginde onı audaru mümkindikteri eki jaqtı qarastırıladı.

Qazpoşta filialdıq jelisiniñ Qazaqstan boyınşa 3 400 bölimşesi, 23 mıñ qızmetkeri bar. Bwl rette, Kazpoşta klientteriniñ 70%-ı auıldı jerlerde twradı.

“The Qazaq Times”