استانادا «قازاقستان حالىق بانكى» اق  پەن «قازپوشتا» اق اراسىندا ىنتىماقتاستىق تۋرالى مەموراندۋمعا قول قويۋ ءراسىمى ءوتتى. بۇل تۋرالى بانكتىڭ ءباسپاسوز قىزمەتى حابارلادى. 

قول قويۋ راسىمىنە «قازپوشتا» اق باسقارما توراعاسى ساكەن سارسەنوۆ جانە «قازاقستان حالىق بانكى» اق باسقارما ءتورايىمى ءۇمىت شاياحمەتوۆا قاتىستى.

اتاۋلى قۇجات حالىق بانكى مەن Halyk Group قازپوشتا ءۇشىن قىزمەت كورسەتۋ بولىگىندە بانك جانە كومپانيانىڭ ءوزارا ىنتىماقتاستىعىن دامىتۋعا جانە قازپوشتا اگەنتتىگى، پوشتا، سونداي-اق وزگە دە قىزمەتتەردى حالىق بانكىنە جەكەلەگەن باعىتتار بويىنشا قىزمەت كورسەتۋگە باعىتتالعان.

اتاپ ايتقاندا، قازپوشتا جەكە تۇلعالارعا بانك ونىمدەرىن ساتۋ (دەپوزيتتەر، كرەديتتەر جانە وزگە دە ونىمدەر) بويىنشا حالىق بانكى بولىمشەلەرى جوق اۋىلدىق ەلدى مەكەندەردە حالىقتىڭ قاجەتتىلىكتەرىنە بايلانىستى اۆتوماتتاندىرىلعان بولىمشەلەرىن ۇسىنادى.

سونداي-اق حالىق بانكىندە اشىلعان شوتتارعا جەكە تۇلعالاردىڭ تولەمدەرىن قازپوشتا بولىمشەلەرىندە قابىلداپ جانە ءوز كەزەگىندە ونى اۋدارۋ مۇمكىندىكتەرى ەكى جاقتى قاراستىرىلادى.

قازپوشتا فيليالدىق جەلىسىنىڭ قازاقستان بويىنشا 3 400 بولىمشەسى، 23 مىڭ قىزمەتكەرى بار. بۇل رەتتە، كازپوشتا كليەنتتەرىنىڭ 70%-ى اۋىلدى جەرلەردە تۇرادى.

“The Qazaq Times”