Foto: QT

2018 jılı Qazaqstan Halıq Banki AQ-tıñ taza kirisi 46,7 payızğa östi. Bwl turalı bügin Almatıda ötken banktiñ baspasöz konferenciyasında Qazaqstan Halıq banki Basqarma Törayımı Ümit Şayahmetova ayttı.

"Ötken jılı Halıq bank pen Kazkom bankteriniñ biriguleri sätti ayaqtaldı. Saldarınan biraz tehnikalıq mäseleler orın alğan boladı. Alayda, bwl proces aytıp ötken sätti ayaqtaldı. Qazir ol narıqtıñ üşten bir böliginen artıq üleske ie. 2018 jıldıñ on eki ayında Qazaqstan Halıq Banki AQ-tıñ taza kirisi negizinen payızdıq jäne komissiyalıq kirister ösui esebebinen 46,7 payızğa ösip, 254, 238 mlrd teñgeni qwradı. Al  2018 jıldıñ qorıtındısı boyınşa, taza payızdıq marja 2017 jılğı 4,9 payızdan jıldığı 5,1 payızğa östi", - dedi ol.

Sonday-aq, basqarma törayımı osı jıldıñ säuir ayında Halıq banki Özbekstanda enşiles bank aşu turalı licenziya aludı josparlap otırğanın atap ötti.

«Biılğı jıldıñ säuir ayında biz banktiñ enşiles kompaniyasın Özbekstanda aşu üşin tolıq licenziyanı kütip otırmız. Atalğan enşiles banktiñ ğimaratı ornalasatın jerdi de tañdap qoydıq. Özbekstan bizdiñ bank qızmet körsetetin altınşı el bolmaq. Tağı bir ayta ketetin jayt, bank alğaşqıda tek zañdı twlğalarğa ğana qızmet etedi, keyin jıldıñ soñına qaray jeke twlğalarğa da qızmet körsete bastaydı », - dedi Ümit Şayahmetova.

Bwdan soñ, atalğan bank Özbekstandağı enşiles banki bar alğaşqı qazaqstandıq bank boladı. Bügingi tañda, Halıq bank TMD elderiniñ işinde Qırğızstanda, Reseyde, Täjikstanda, sonımen birge Gruziyada da qızmet körsetedi.

"The Qazaq Times"