Körneki suret. Kipr SİM Nikos Hristodulidis. Foto: https://www.kathimerini.com.cy

QR Sırtqı ister ministri Beybit Atamqwlov Kiprdiñ Sırtqı ister ministri Nikos Hristodulidispen kezdesip, ıntımaqtastıq memorandumğa qol qoydı. 

Kezdeude qos tarap arasındağı energetika salası, qwrılıs, innovaciya, azıq-tülik önerkäsibi, auıl şaruaşılığı, turimz salalarına qatıstı kelissözder talılanğan. Nätijesinde, eki eldiñ ministrleri ıntımaqtastıq jäne ekijaqtı sayasi keñes turalı memorandumğa qol qoydı. Tayauda eki jaqtı salıq saludı boldırmau, salıqtan jaltarudı aldın alu turalı Konvenciyasına qol qoyılmaq.

B.Atamqwlov tilşilerge swhbatında: «Qazaqstan –Kipr qarım-qatınastarınıñ spektri biz qozğağan mäselelermen şektelip qalmaydı. Bizdiñ qol jetkizgen uağdalastıqtarımız özara ıntımaq üşin jaña mümkindikter aşpaq. Kelissözder barısında biz ekijaqtı ıntımaqtastıqtıñ mañızdı mäselelerin talqıladıq. Sayasi, sauda-ekonomikalıq, mädeni-gumanitarlıq salalarda naqtı josparlardı belgiledik. Sonday-aq, halıqaralıq arenadağı özara is-qimıldıñ ortaq wstanımdarına qol jetkizdik», – dedi. Al Kipr SİM Nikos Hristodulidis Qazaqstan tarapımen qol qoyılğan özara tüsinistik turalı memorandumdar eki el qarım-qatınasın nığayta tüspek dep mälimdedi.

Ayta keteyik, Kipr Qazaqstannıñ Ortalıq Europa aymağındağı mañızdı seriktesteriniñ biri sanaladı. Osı uaqıtqa deyin Kipr resmi türde Qazaqstannıñ EQIW, BWW sındı wyımdardağı is-äreketin jaqtap keledi.

"The Qazaq Times"