Foto: youtube.com

Kreml'diñ baspasöz hatşısı Dmitriy Peskov jurnalistermen ötken baspasöz konferenciyasında: "Süriyada Başar Asadtı qoldap, memlekettik küşterdiñ qatarında küresip jürgen Reseydiñ qarapayım azamattarı - eriktiler. Sondıqtan Resey Ükimeti men Qorğanıs ministri olarğa qatıstı şara qoldana almaydı", - dep mälimdedi. Bwl turalı Reuters agenttigi jazadı. 

Reseydiñ Qorğanıs ministrliginiñ mälimetinşe, osı jılı Süriyadağı soğısta 10 äskeri qaza tapqan. Reuters agenttiginiñ jürgizgen täuelsiz saraptaması bwl körsetkiş memleket wsınğan resmi derekterden birneşe esege artıq dep, qwrbandardıñ sanı 40 ekenin alğa tartadı. Mwnan aldıñğı esepte 15 ayda 36 äskeri köz jwmğanı belgili bolsa, soñğı 7 aydıñ özinde 40 adamnıñ qazası orın alğanı anıqtaldı. Bwl Resey soğıs alañında öz äskerin köz ilespes jıldamdıqpen joğaltıp jatqanın körsetedi.

Agenttik qızmetkerleri qwrbandardıñ ölimi turalı derekti köp jağdayda olardıñ jaqındarı, al 10 jağdaydıñ toğızında "suıq habardı" jergilikti aqparat közderi men äleumettik jelilerdegi aqparat rastağanın aytadı.

Reuters agenttigi: "Resey Ükimeti halıq arasında Süriyadağı soğısta qaza tapqandardıñ sanın azaytıp körsetuge, şınayı derekterdi jasıruğa tırısadı. Bwl maqsatta ölim qwşqan äskerilerdiñ otbası men jaqındarına, "ündemeuleri" üşin aqşa beredi, memlekettik BAQ-tarda Süriya dağdarısı jöninde negizinen pozitivti notadağı maqalalar jazıladı", - dey kele bwl is-äreketterdi Vladimir Putinniñ kelesi jılğı prezidenttik saylauda bilikti qayta öz qolına alğısı keletindigimen baylanıstıradı.

Agenttiktiñ jeke zertteulerine süyenip şığarğan tağı bir qorıtındısı - Süriyada soğısıp jürgenderdiñ işinde, Tayau şığıstağı dağdarısqa attanğanğa deyin Resey äskeri bölimşelerinde  kelisimşart negizinde jwmıs istegen azamattar da  bar, al memleket mwnı jasırıp otır. Öytkeni Reseydiñ zañı boyınşa, olar memlekettiñ atınan şet eldegi soğıs operaciyalarına jiberilmeui kerek.

“The Qazaq Times”