Foto: CNN

Türkiyada ötken jılı orın alğan "memlekettik töñkeris" oqiğasına ayıptı dep tabılğan 500-ge juıq adam sotqa tartıldı. Anadolu aqparattıq agenttiginiñ habarlauınşa, olarğa memleket basşısınıñ ömirine qastandıq jasauğa tırısqanı, terroristik wyımmen baylanısqanı, halıqqa qarsı qaru qoldanğanı, Türkiyağa materialdıq şığın keltirgeni, t.b. öte köp kinä artılıp, jazası kesilgen. 

2016 jılı Türkiyada bolğan "memlekettik töñkeris" jasauğa talpınıs oqiğası kezinde 250-ge juıq adam qaza tapqan. Olardıñ basım köpşiligi - qarapayım azamattar. Memleket basşısı türik halqına qayğı äkelgen oqiğağa AQŞ-ta twratın islam dininiñ nasihatşısı Fethullah Gyulendi sırttay ayıptap, eldegi keleñsizdikke qatısı bar azamattardıñ barlığın abaqtığa jauıp, qudalauğa wşıratqan bolatın.

Kölemi 4 mıñ 500 betten twratın ayıptau qorıtındısına säykes,  50-ge juıq azamat ömir boyına bas bostandığınan ayırıldı. Olar - negizinen Türkiya Parlamentin jäne prezident keñsesi  mañındağı joldar men köpirlerdi jarğanı üşin ayıptalğandar. Jazağa tartılğandardıñ qatarında "memlekettik töñkeris" oqiğası orın alıp jatqanın köre twra, äreketsizdik tanıtqan generaldar men F-16 wşağında Türkiya Parlamentine şabuıl jasağan wşqış jäne bilikke qarsı astırtın äreket wyımdastırılğan orın dep sanalatın Akinçi äue bazasınıñ qızmetkerleri de bar.

Resmi derekterge säykes, osı uaqıtqa deyin, jurnalister, äskeriler, oqıtuşılar men basqa da mamandıq ieleriniñ ökili sanalatın 150 mıñ adam twtqındalıp, onıñ üşten biri qayta bosatılğan.

“The Qazaq Times”