Qazaqstan diplomattarı Mısırda joğalıp ketken studentterdi izdestirude.

Qazaqstan sırtqı ister ministrligi joğalıp ketken qazaqstandıq studentterdi izdestiruge kömek swrap Mısır SİM nota jibergen. Bwl jayında SİM baspasöz qızmetiniñ basşısı Änuar Jaynaqov mälimdedi.

«Joğalıp ketken 6 studenttiñ barlığınıñ jastarı şamalas 1993, 1994, 1995 jıldarı tuılğan. Olar Mısırdıñ Kair qalasına oquğa barğan. Altı studenttiñ ekeui Qazaqstan halıqaralıq qatınastar jäne älem tilderi universitetiniñ magistranttarı. Joğalıp ketkenderdiñ barlığı bir päterde twrğan. Olarmen baylanıs 20 şilde küni üzilgen. Sol künnen bastap qazaqstandıq diplomattar izdestiru jwmıstarın bastap ketti» - dedi Anuar Jaynaqov jurnalister aldında söylegen sözinde.

Mısırdağı Qazaqstan elşiliginiñ mälimetinşe, joğalıp ketken studentterdiñ eşqaysısınan özge dini ağımdardıñ jeteginde ketu belgileri bayqalmağan.

Qazirgi tañda Qazaqstan SİM jibergen notağa Mısır tarapı eşqanday jauap bermegen. Osığan baylanıstı qazaqstandıq diplomattar joğalıp ketken 6 studentti öz küşterimen izdestirude.

“The Qazaq Times”