قازاقستان ديپلوماتتارى مىسىردا جوعالىپ كەتكەن ستۋدەنتتەردى ىزدەستىرۋدە.

قازاقستان سىرتقى ىستەر مينيسترلىگى جوعالىپ كەتكەن قازاقستاندىق ستۋدەنتتەردى ىزدەستىرۋگە كومەك سۇراپ مىسىر ءسىم نوتا جىبەرگەن. بۇل جايىندا ءسىم ءباسپاسوز قىزمەتىنىڭ باسشىسى ءانۋار جايناقوۆ مالىمدەدى.

«جوعالىپ كەتكەن 6 ستۋدەنتتىڭ بارلىعىنىڭ جاستارى شامالاس 1993, 1994, 1995 جىلدارى تۋىلعان. ولار مىسىردىڭ كاير قالاسىنا وقۋعا بارعان. التى ستۋدەنتتىڭ ەكەۋى قازاقستان حالىقارالىق قاتىناستار جانە الەم تىلدەرى ۋنيۆەرسيتەتىنىڭ ماگيسترانتتارى. جوعالىپ كەتكەندەردىڭ بارلىعى ءبىر پاتەردە تۇرعان. ولارمەن بايلانىس 20 شىلدە كۇنى ۇزىلگەن. سول كۇننەن باستاپ قازاقستاندىق ديپلوماتتار ىزدەستىرۋ جۇمىستارىن باستاپ كەتتى» - دەدى انۋار جايناقوۆ جۋرناليستەر الدىندا سويلەگەن سوزىندە.

مىسىرداعى قازاقستان ەلشىلىگىنىڭ مالىمەتىنشە، جوعالىپ كەتكەن ستۋدەنتتەردىڭ ەشقايسىسىنان وزگە ءدىني اعىمداردىڭ جەتەگىندە كەتۋ بەلگىلەرى بايقالماعان.

قازىرگى تاڭدا قازاقستان ءسىم جىبەرگەن نوتاعا مىسىر تاراپى ەشقانداي جاۋاپ بەرمەگەن. وسىعان بايلانىستى قازاقستاندىق ديپلوماتتار جوعالىپ كەتكەن 6 ستۋدەنتتى ءوز كۇشتەرىمەن ىزدەستىرۋدە.

“The Qazaq Times”