Pol'şanıñ birneşe iri qalalarında Joğarğı Sottıñ qwzırettiligin şekteytin zañ jobasınıñ qabıldanuına qarsı ereuilder jürip jatır. Bwl turalı New York Times gazeti men  Euronews aqparattıq agenttigi jazadı.

Zañ jobasına engiziletin özgeristerge säykes, Joğarğı Sot qızmetkerlerin tañdau memlekettik biliktiñ qolına berilmek. Osığan deyin kandidattar täuelsiz komissiyanıñ şeşimimen saylanıp kelgen. Bir ğana Varşava qalasınıñ özinde qoldarına şıraqtar men Pol'şanıñ jäne Euroodaqtıñ tuın wstağan 50 mıñğa juıq adam beybit şeruge şıqtı. El astanasınan bölek, narazılıq şeruleri Pol'şanıñ Lyublin, Krakov, Vroclav, Poznan', Katovica, El'blong, Stargard qalalarında ötip jatır.

Köteriliske şığuşılar: "Barlıq diktatura osılay bastaladı. Bilik äueli, baspasözdi qadağalaudı qolğa aladı, keyinnen sot biligin şekteydi. Bügin biz qarsılıq tanıtpasaq, bwl arı qaray da  jalğasa beredi", -dep wrandattı.

Jaña özgerister demokratiyalıq principterge qayşı keletindigin Euroodaq ta qoldap, Pol'şanıñ Prezidenti Andjey Jeplin'skiy atalğan zañ jobasına qol qoysa, memleketke qarsı sankciyalar engizetindigin habarlağan bolatın. Eger el biligi öz  degeninen qaytpasa, Pol'şa Eurokomissiyadağı dauıs beru qwqığınan ayırıluı mümkin.

Pol'şanıñ NATO-dağı eñ ülken äriptesi AQŞ-tıñ äkimşiligi joldağan resmi mälimdemede: "Kez-kelgen özgerister men jañaşıldıqtar Pol'şanıñ Konstituciyası men halıqaralıq şarttarğa qarsı kelmeui jäne Sot biliginiñ täuelsizdigin qamtamasız etui kerek" delingen.

“The Qazaq Times”