Pol'şa arnayı qızmeti tağı eki adamdı tıñşılıq ayıbımen twtqındadı. Foto: Finanical Times

Pol'şa arnayı qızmeti tıñşılıq ayıbımen bir reseylik jäne bir Belarus' azamatın twtqındağanın mälimdedi. Alğaşqı resmi mälimetterde eki azamatqa Pol'şa-Belarus' şekarasındağı äskeri ornalasu boyınşa mälimet jinadı degen küdik tağılğan. Eger, eki azamatqa qatıstı bwl ayıp däleldense on jılğa bas bostandığınan ayırıluı mümkin.

Pol'şa EO elderi arasında Ukrainamen eñ tığız mämile-baylanıstağı el. Odaq işinde Ukrainanıñ müddesin köbirek kötergeni jäne belgili. Al, Resey Ukrainağa basıp kirgennen beri Pol'şa eñ köp ukrainalıq bosqındardı qabıldadı. Bwğan qosa Ukrainağa jetip jatqan äskeri jäne äleumettik kömekterdiñ basım köbi osı polyak jeri arqılı Ukrainağa kiredi.

Esteriñizde bolsa, naurız ayında Varşava biligi tıñşılıq jasadı degen ayıppen 45 reseylik diplomattı elden şığarğan bolatın. Al, BBC-diñ Pol'şadağı qızmeti jazğanday, Resey Ukrainağa basıp kirgennen beri, elde «Resey tıñşısı» degen küdikpen wstalğandar köbeygen. Säuirdiñ özinde osınday ayıppen Resey jäne Belarus' azamattarınan 5 adam twtqındalğan.

17 naurızda Pol'şa tıñşılıq ayıbımen 45 reseylik diplomattı elden qua otırıp, bwl şeşimdi «Reseydiñ Pol'şa Respublikası jäne onıñ odaqtastarına qaratqan sayasatı, äri Ukrainağa jasağa agressiyasına baylanıstı» qabıldağandarın aytqan. Bwl degenimiz Reseydiñ diplomatiyalıq qızmeti üşin eñ auır ayıptardıñ biri.

Pol'şa orıs diplomattarına tağılğan ayıptı tıñşılıq boyınşa pol'şalıq azamattı tergeu kezinde anıqtağanın da qosa bildirip edi. YAğni, eldiñ işki qauipsizdik qızmeti Pol'şa azamatın osı ayıp boyınşa tergeu barısında Resey diplomattarınıñ qatısı barı anıqtalğan.

Ayta ketu kerek, soñğı jıldarı Varşava men Mäskeu arasındağı mämile salqındap, «diplomatiyalıq öş alu» äreketteri jii qaytalandı.

The Qazaq Times