Foto: kapital.kz

Birıñğay jinaqtauşı zeynetaqı qorınıñ menşikti aktivterin Wlttıq banktiñ basqaruına beru procesi ayaqtaldı. Bwl turalı BJZQ basqarma törağası Nwrbübi Naurızbaeva Egemen Qazaqstan gazetine bergen swhbatında mälimdedi.  

"Qor jwmısına qajetti köptegen işki normativtik qwjattar qayta qaraldı jäne jaña redakciyada äzirlendi. Sonımen qosa, Direktorlar keñesi jıl basında zeynetaqı aktivteri siyaqtı BJZQ menşikti aktivterin basqarudı Qazaqstan Respublikası Wlttıq Bankiniñ senimgerlik basqaruına beru turalı şeşim qabıldadı. BJZQ menşikti aktivterin Wlttıq Banktiñ basqaruına beru procesi ayaqtaldı", - dedi basqarma törağası.

Onıñ sözinşe, zeynetaqı jinaqtarınıñ jalpı soması 2017 jılğı 1
mausımdağı jağday boyınşa 6,99 trln teñgeni qwradı, al 2 mausımda
7 trln teñgeden asqan. Osı jıldıñ bes ayında zeynetaqı jinaqtarı 310 mlrd teñgege wlğayıp, ösim 4,6 payızdı qwrağan.

Sonday-aq, ol salımşılardıñ zeynetaqı aktivterine memleket kepildik beretinin de tağı bir märte atap ötti.

"Biz salımşılar men aluşılarğa zeynetaqı aktivteri jan-jaqtı baqılauda bolatındığın jäne olardıñ saqtaluına, qaytalap aytamın, memleket kepildik beretinin tüsindiremiz. Sonday-aq osı aqparattı barlıq salımşılar men aluşılarğa deyin ärbir baspasöz konferenciyalarında, halıqpen kezdesulerde jetkizip otıramız", - dedi ol swhbatında.

Ayta keteyik, osığan deyin BJZQ-nıñ 71,3 mlrd teñgesi nemese 200 mln dollar Äzerbayjan halıqaralıq bankiniñ obligaciyaları üşin salınğanın aytqan bolatınbız. Bloomberg agenttiginiñ mälimetinşe, Äzerbayjannıñ halıqaralıq banki eldegi valyutalıq dağdarıs pen valyutanıñ jetispeuşiligine baylanıstı sırtqı qarızdarın töleudi toqtatqan.

Al Wlttıq bank törağası Daniyar Aqışev Äzerbayjan halıqaralıq bankine investiciyalanğan 71,3 mld teñgege qatıstı jağdaydı tüsindiru kezinde  "bwl qarjını problemalı bankke Wlttıq banktiñ bwrınğı qızmetkerleri investiciyalağan" degen edi.

“The Qazaq Times”