Foto: bigmir.net

Italiyada Vezuviy janartauı «oyandı». Ört söndiruşiler otryadı ormandı şalğan ottıñ keñ aumaqqa taraluına barınşa kedergi keltiruge küş salğanımen, bet şarpığan alaudı auızdıqtau äzirge mümkin bolmay otır dep habarlaydı Corriere della Sera baspası.

Janartauğa jaqın ornalasqan Neapol'de jappay evakuaciyalau jwmıstarı jürgizilip jatır. Osı mañaydağı 5 audandıq qala twrğındarı men turister janartaudan japa şekpes üşin «qaşıp qwtılğan». Däl osı baspa orman örtine janartaudıñ qatısı bolmauı mümkin dep topşılaydı. Öytkeni 2016 jılı tau bökterinde ornalasqan 200 ga orman janartaudıñ qatısınsız, qoldan örtelgen bolatın.

Vezuviy – Italiyanıñ oñtüstiginde, Neapol' qalasınan 15 km qaşıqtıqta ornalasqan «belsendi janartau». Bwl janartauğa köterilu – tanımal turistik bağıttardıñ biri. Teñiz deñgeyinen 1 mıñ metr biiktikke deyin turisterdi avtobus alıp baradı, arı qaray 200 metr jayau köterilesiz. Kraterdiñ özi erekşe ädemi bolmağanımen, bwl jerden Neapol' men şığanaqtıñ keremet körinisin tamaşalauğa boladı.

Atap ötu kerek, bizdiñ zamanımızdıñ 79 jılı, atalğan janartaudıñ atqılauı äserinen, Pompeya, Gerkulanum jäne Stabiya qalaları jer betinen joyılıp ketken.

“The Qazaq Times”