Foto: Reuters

Indoneziyadağı Bali aralınıñ Agung janartauınıñ atqılau qaupi tirkeldi. Zertteuşiler jer astı tolquları tirkelgenin jäne magma (qoymaljıñ ıstıq swyıqtıq) janartau krateriniñ betine köterilip kele jatqanın aytadı. Bwl turalı BBS aqparattıq agenttigi jazdı. 

Qazirdiñ özinde janartauğa jaqın aumaqta twratın 10 mıñğa juıq adam özge jerlerge ornalastırıldı. Jergilikti twrğındar men turisterge janartauğa 9 km-den arı jaqındauğa tıyım salındı. 1963 jılı janartaudıñ oyanğan kezinde 1 mıñ adam qaza tapqan bolatın.

Janartaudıñ bolu ıqtimaldılığı turalı joramaldar 1963 jılğı apattı jağdaydıñ belgilerine qarap jasalğan. Janartauğa jaqın mañdı mekendeytin bir twrğın jer astı tolqularınıñ sanı jiilep ketkeninen qauiptenip, balaların alıp, uaqıtşa qwrılğan lager'ge twraqtağanın aytadı. Janartau atqılauı mümkin ekenin ayğaqtaytın tağı bir belgi - kraterden wşatın ulı gazdı tütin.

Qazir Balidiñ Denpasar äuejayı qalıptı jağdayda jwmıs istep jatır. Biraq Indoneziyanıñ Sırtqı İster ministrligi turisterge janartau atqılağan jağdayda äue tasımal qızmeti toqtaluı jäne reyster keyinge şegerilui mümkin ekenin eskertedi.

Indoneziyada qazir 130-ğa juıq belsendi janartaular bar. Bwl onıñ Tınıq mwhitındağı janartau atqılauı  men jer silkinisine beyim "Ot saqinası" aymağında ornalasuına baylanıstı.

“The Qazaq Times”