Indoneziyada cunamiden 300-ge juıq adam qaza taptı

Ötken jwmada Indoneziyanıñ Sunda bwğazında bolğan cunamiden 300-ge juıq adam qaza tauıp, 745 adam zardap şekti.

Eldegi Tötenşe jağdaylar departamentiniñ mälimetine qarağanda, Cunami Sumatra men Java araldarınıñ arasında Sunda bwğazında bolğan. Pante qalası cunamiden eñ auır zardap şekken. 500-ge juıq twrğın üy qirağan.

Tekseru qorıtındısı körsetkendey, teñizdiñ alıp tolqını Anak Kratau attı janartaudıñ atıluınan payda bolğan. Atalğan janartaudıñ belsendiligine baylanıstı öñirde qırküyekten bastap tötenşe jağday jariyalanğan bolatın.

28 qırküyekte Palu şığanağına jaqın araldarda 7,5 ball jer silkinisi bolıp, 2 mıñ 500 adam adam qaza tauıp, 500-den astam adam iz-tüssiz joğalğan edi. Sol retki apatta 70 mıñğa juıq adam baspanasınan ayırılğan.

2004 jılı 26 jeltoqsanda Ündi mwhitındağı jer silkinisi mwhitqa şektesken 13 elden 226 mıñ adamnıñ janın jalmadı. Sonıñ 120 mıñı indoneziyalıq bolğan edi.

“The Qazaq Times”