Qazaqstanda köppäterli 20 mıñnan astam twrğın üy apattıq jağdayda twr

Qazaqstanda köppäterli 20 mıñnan astam twrğın üy apattıq jağdayda twr. Bwl turalı "Atameken" WKP baspasöz qızmeti habarladı. 

«Atameken» QR WKP Basqarma törağasınıñ orınbasarı Eldos Ramazanovtıñ sözinşe, Qazaqstanda köppäterli twrğın üy sanı – 78371, olardıñ işinde – 20 437 (26%) apattıq jağdayda twr.

Endi bwl mäseleni Wlttıq käsipkerler palatası da nazardan tıs qaldırmaq emes. Twrğın üy-kommunaldıq şaruaşılığı jüyesin sapalı modernizaciyalau kerek. Biznestiñ mäselesin şeşuge, şoğırlandıru, nığaytu üşin jäne qızmet üşin negizdi qalıptastıruğa arnayı qwrılğan «Atameken» osı bağıttağı jwmıstı qarqındı jüzege asırudı qolğa aldı.

Joba boyınşa eñ aldımen äleuetti qatısuşılar tobın, zañnamalıq jetildirilmegendikti, basqaruşı kompaniya men PIK-tiñ mümkindikterin jäne äleuetin zertteu josparlanğan. Jobanıñ tolıq merzimi işinde Wlttıq palata bizneske jıljımaytın mülikti basqarudı dwrıs äri joğarı deñgeyde basqaruğa kömektesu üşin birneşe seminar wyımdastırudı josparğa engizgen.

Al «Aşıq tarif» qazaqstandıq qauımdastıq Töralqasınıñ törağası Petr Svoiktıñ sözinşe, twrğın üy-kommunaldıq  şaruaşılığına eki deñgeyli jüye engizilgeni  jön.

«Birinşiden, bir üy – bir kondominium – bir Päter ieleriniñ kooperativı. Ekinşiden, qalalıq ıqşam audan deñgeyinde basqaruşı kompaniyalardı MJÄ jobası negizinde qwru qajet», – dep wsındı  «Aşıq tarif» qazaqstandıq qauımdastıq Töralqasınıñ törağası Petr Svoik.

Osığan baylanıstı wlttıq palata ökilderi narıqqa qatısıp otırğan taraptardı jäne orın alğan mäselelerdi de anıqtap, jüyeleu qajet ekenin atap ötti.

“The Qazaq Times”