فوتو: novostroy.kz

قازاقستاندا كوپپاتەرلى 20 مىڭنان استام تۇرعىن ءۇي اپاتتىق جاعدايدا تۇر. بۇل تۋرالى "اتامەكەن" ۇكپ ءباسپاسوز قىزمەتى حابارلادى. 

«اتامەكەن» قر ۇكپ باسقارما توراعاسىنىڭ ورىنباسارى ەلدوس رامازانوۆتىڭ سوزىنشە، قازاقستاندا كوپپاتەرلى تۇرعىن ءۇي سانى – 78371, ولاردىڭ ىشىندە – 20 437 (26%) اپاتتىق جاعدايدا تۇر.

ەندى بۇل ماسەلەنى ۇلتتىق كاسىپكەرلەر پالاتاسى دا نازاردان تىس قالدىرماق ەمەس. تۇرعىن ءۇي-كوممۋنالدىق شارۋاشىلىعى جۇيەسىن ساپالى مودەرنيزاتسيالاۋ كەرەك. بيزنەستىڭ ماسەلەسىن شەشۋگە، شوعىرلاندىرۋ، نىعايتۋ ءۇشىن جانە قىزمەت ءۇشىن نەگىزدى قالىپتاستىرۋعا ارنايى قۇرىلعان «اتامەكەن» وسى باعىتتاعى جۇمىستى قارقىندى جۇزەگە اسىرۋدى قولعا الدى.

جوبا بويىنشا ەڭ الدىمەن الەۋەتتى قاتىسۋشىلار توبىن، زاڭنامالىق جەتىلدىرىلمەگەندىكتى، باسقارۋشى كومپانيا مەن پيك-ءتىڭ مۇمكىندىكتەرىن جانە الەۋەتىن زەرتتەۋ جوسپارلانعان. جوبانىڭ تولىق مەرزىمى ىشىندە ۇلتتىق پالاتا بيزنەسكە جىلجىمايتىن مۇلىكتى باسقارۋدى دۇرىس ءارى جوعارى دەڭگەيدە باسقارۋعا كومەكتەسۋ ءۇشىن بىرنەشە سەمينار ۇيىمداستىرۋدى جوسپارعا ەنگىزگەن.

ال «اشىق تاريف» قازاقستاندىق قاۋىمداستىق تورالقاسىنىڭ توراعاسى پەتر سۆويكتىڭ سوزىنشە، تۇرعىن ءۇي-كوممۋنالدىق  شارۋاشىلىعىنا ەكى دەڭگەيلى جۇيە ەنگىزىلگەنى  جون.

«بىرىنشىدەن، ءبىر ءۇي – ءبىر كوندومينيۋم – ءبىر پاتەر يەلەرىنىڭ كووپەراتيۆى. ەكىنشىدەن، قالالىق ىقشام اۋدان دەڭگەيىندە باسقارۋشى كومپانيالاردى ءمجا جوباسى نەگىزىندە قۇرۋ قاجەت»، – دەپ ۇسىندى  «اشىق تاريف» قازاقستاندىق قاۋىمداستىق تورالقاسىنىڭ توراعاسى پەتر سۆويك.

وسىعان بايلانىستى ۇلتتىق پالاتا وكىلدەرى نارىققا قاتىسىپ وتىرعان تاراپتاردى جانە ورىن العان ماسەلەلەردى دە انىقتاپ، جۇيەلەۋ قاجەت ەكەنىن اتاپ ءوتتى.

“The Qazaq Times”