Foto: Sputnik

Özbekstan miliciyası 1 tamızdan bastap aqılı qızmet türine köşedi. Bwl jayında Özbekstan ministrler kabineti öziniñ resmi saytında jariyaladı.

Tamız ayınan bastap Özbekstanda qoğamdıq orındardıñ qauipsizdigin qamtamasız etkeni üşin özbek miliciyasın jergilikti käsipkerler qarjılandıratın boladı. Atap aytqanda Özbekstan miliciyası sayabaqtardıñ, oyın-sauıq ortalıqtarınıñ, bazarlardıñ tınıştığın qamtamasız etkeni üşin olarğa käsipkerler öz qaltasınan jalaqı töleydi.

Zañ jobası el prezidenti Şavkat Mirzieevtıñ 12 säuirde şığarğan jarlığı boyınşa dayındalğan.

Bwl degenimiz egerde zañ jobası küşine enetin bolsa, onsızda Özbekstan halqınıñ salığınan tüsken qarjığa jalaqı alıp kelgen milicionerler endi jeke käsipkerlerdiñ esebinen de jalaqı alatın boladı degen söz.

Qazirdiñ özinde zañdağı bwl özgeris küşine enbey jatıp Taşkent qalasındağı birqatar sayabaqtar aqılı qızmetke köşken.

“The Qazaq Times”