Foto: Forbes

Qazaqstan mwnay kölemin qısqartu turalı OPEK kelisiminen birtindep bas tartuı mümkin. Bwl turalı QR energetika ministri Qanat Bozımbaev mälimdedi, dep habarlaydı TASS.

Ministr "Qazaqstan birneşe ayda nemese mwnay bağasınıñ ösuine baylanıstı OPEK kelisiminen şığuı mümkin be?" degen swraqqa "Birinşi nwsqa", -  dep jauap bergen.

Sonday-aq, ol Astana kelisimdi wzartuğa qatıstı öz poziciyasın äli naqtılamağanın atap ötti. "Bwl qaraşa ayına qatıstı swraq", - deydi ol. Ayta keteyik, OPEK-tiñ kezekti sammiti qaraşa ayında boladı.

Vedomstvo basşısı Qazaqstan osı jılı mwnay öndiruge qatıstı jospardı artığımen orındaluı mümkin ekenin de aytqan. "Jıldıq jospar 81 mln tonna, biraq bwdan da artıq boladı dep oylaymın", - deydi ol.

Onıñ sözinşe, respublika mwnay kölemin qısqartu kelisimin tolıq baqılauğa alıp otır. Ol "memleket şartta körsetilgen parameterlerdi orınday aldı ma" degen saualğa: "Şamamen", - dep jauap bergen. Ol mwnay kölemine qatıstı Halıqaralıq energetika agenttigi men Qazaqstannıñ energetika ministrligi esebiniñ arasında biraz auıtquşılıq bar ekenin atap ötti.

Ayta keteyik, osı jıldıñ 25 mamırında mwnay eksportauşı elder wyımı OPEK mwnay öndirisin qısqartu turalı kelisim merzimin wzartqan. Austriyanıñ Vena qalasında ötken otırıs barısında wyımğa müşe elder osınday şeşim qabıldağan edi.

Osıdan soñ Qazaqstannıñ Energetika ministrligi OPEK pen oğan müşe emes elderdiñ mwnay kölemin qısqartu merzimin wzartu turalı şeşimin qoldaytının, bwl bağanıñ qalıptı deñgeyin saqtau üşin qajet ekenin mälimdedi mnistrlikten.

 “The Qazaq Times”