Foto: khabar.kz

Bügin Astanada robototehnika çempionatı bastaldı. Qazaqstannıñ är öñirinen jinalğan 300-ge juıq jas önertapqış elordanıñ törinde bas qostı.

"Expo-2017" halıqaralıq körmesiniñ ayasında ötkizilip otırğan jarıstıñ wlttıq koordinatorı - Nazarbaev ziyatkerlik mektepter jelisi. Önertabıstarı üzdik dep bağalanğan oquşılardan qwralğan top küzde Kosta-Rikada ötetin halıqaralıq olimpiadada  Qazaqstannıñ atınan öner körsetedi.

Bayqau talaptarı qatısuşılardıñ jas erekşelikterine baylanıstı. Qızılordadan kelgen Damir Mwñaytpas esimdi jetkinşektiñ aytuınşa, olar tapsırmanı osıdan jartı jıl bwrın alğan. Jas önertapqış öz tobımen birge robotqa arnalğan bağdarlamalau tilin jazıp şıqqan. Çempionattıñ erejesi boyınşa, dayın robot birneşe bölşekterge ajıratılıp, qatısuşılardan belgilengen uaqıt işinde onı qayta jinau swraladı.

«The Qazaq Times»