Foto: tobyl-torgai.kz

Astanada Baspasöz, radio jäne internet-jurnalistika salasına arnalğan «Ürker-2017» wlttıq sıylığınıñ jeñimpazdarın saltanattı marapattau räsimi ötti. Bir ay köleminde kelip tüsken jüzden astam ötinimniñ arasınan üzdik dep tanılğan jwmıs avtorlarına estelik müsinşe men aqşalay sıylıqtar tabıstaldı.

«Üzdik fotosuret» atalımında «Egemen Qazaqstan» respublikalıq gazetiniñ qızmetkeri Erlan Omarov jeñimpaz atandı. «Kazahstanskaya pravda» respublikalıq gazetiniñ ökili Valentina Fironovanıñ maqalası «Üzdik taldamalıq material» dep tanılsa, «Üzdik reportaj» jasağanı üşin «Nationaldigitalhistory e-history.kz» jurnalisti Oljas Berkinbaev marapattaldı. Şalqar radiosındağı «Än dombıra» habarı – «Üzdik radiobağdarlama», «Astana radiosı» - «Öñirlik üzdik radiostanciya», «Drujnıe rebyata» gazeti – «Üzdik salalıq basılım», «Nationalgeographic» basılımı – «Üzdik jurnal», OQO-dağı «Reyting» gazeti – «Üzdik öñirlik basılım», «Massaget.kz» saytı – «Mediaserpin» atalımdarınıñ iegeri boldı.

Üzdik swhbat qwrğan Kapital.kz tilşisi Viktoriya Govorkova, Üzdik jurnalistik zertteu jürgizgen «Egemen Qazaqstan» gazetiniñ ökili – Janbolat Aupbaev, jurnalistik qızmetin jaña bastap jatqan jastardıñ arasınan erekşe közge tüsken «7kun.kz» saytınıñ tilşisi – Möldir Imanmadi boldı.

Ayta keteyik, mamır ayınıñ basında QR Aqparat jäne kommunikaciyalar ministri Däuren Abaev jurnalisterdi Baspa, radio jäne internet jurnalistika  salasındağı twñğış «Ürker» wlttıq sıylığına qatısuğa şaqırğan edi. Bayqauğa qatısu turalı ötinişter 7 mamır men 7 mausım aralığında urker@el.kz elektrondıq poştası arqılı qabıldandı. Wsınılğan eñbekterdi belgili qoğam qayratkerleri, ziyalı qauım ökilderi men käsibi jurnalisterden qwralğan qazılar alqası sarapqa saldı.

“The Qazaq Times”